Angluniskola to kentoskeJEK BROSURI PA ANGLUNISKOLASK0 SIKJIBAKOPLÀNI

2

Tu sal inportantoTu sal odouva kón sterdola néride to kentos. Dóleske hin to tenkiba kuh angluniskolake.

Ka tu rakhaveha so tu tenkaveha hin personaleski lokhide te den to kentoske so douva kamela. Te den gódiba mote tu te džanel sar angluniskola džalpe.

Po drom pe it rig Themesko regeringo hin phanle paj ek sikjibskopláni, kaj sterdola pa angluniskolako télunivieriba ta save resin ta butja angluneskolaske hin. Pálal anuluniskolasko drababiba pa sijibakopláni leha tu džanel save ventiba ta ródiba tut saj te áchel.

Hin gavutkane angluneskoli ta phire angluneskoli. Pa gavutkane angluneskoli angtnál svárina jek politikano angleskerengo skoha so hin avlo velkade. Pa phire angluneskoli angnal svárina jek faldibako skohka. Sáre angluneskoli mote pherdaven sikjibakopláni.

Sar regeli rálila angluniskola kenti katar 1 ka 6 bereh. Sáre kenti mahkar 3 ta 6 bereh lena hortiba angluniskolaske pe jiva 525 stunna po jek bereh.

3

»Aro angluniskola mote kentos arkahel bare komuja kon dikhela sakho kentosko sajpa«AVRI PA ANGLUNISKOLASKO SIKJIBOSKIPLÀNI LPFÖ 98 (NEVIMEN2010)

Stakriba pálal stakriba aro džibako sikjiba Angluniskola mote pašjola po demokratikano téliba. Bárenes rakhila douva te personale mote tšéren jek phiro- ta demokatikano trujaliba kaj sakho kenti lena dživdarela pengo iego ta vaurego vieriba.

Angluniskolaskotseribako buti mote faraves pa pedagogia kaj arakhiba, barjiba ta sikjiba tšérena tšetanes jek héliba. Douva mienila te angluniskola hin vágunes to kentosko khal,vahka douva dela tuke sajpa te tšérel buti vaj lel dieli aro sikjiba.

4

Aro sikjibakopláni sterola te tšeĺiba hin inportanto kentosko angluniba ta sikjibake. Personali mote len dieli aro dikhiba kentosko iego tenkibi, džinta ta phirniba te tsérel pláni pa divitkano butja. Kentos mote lel frestavel pes aro vaure manera, ni korkores ta tšetanes pe vaureha, sar eksemplura džinom džili, musika, faraba, tšeĺiba, drama, rakhiba ta raĺiba.

Kentos mote nína lel sajpa te anglavel pes aro pesko kulturjako identiteti. Kentosko tšibakoangliba hin inportanto kotoriba aro angluniskola. Angluniskola mote angouvel te kentos konens hin vauro dakotšib ke sveitiko lela sajpa te barjavel ni sveitiko sar pengo dakotšib.

Angluniskola tšinantšerela traditionalne dženo ta džuvlikane rolja. Sáre tšaija ta tšáve mote len it sajpa te anglaven pen útan grancikane aviba.

5

»Angluniskola mote inspirimen kentos te tšérel ródiba trujal boliba.«AVRI PA ANGLUNISKOLASKO SIKJIBOSKIPLÀNI LPFÖ 98 (NEVIMEN2010)

Sakho angluniskola hin jekhunoSikjibako pláni mote den garantia te sáre kenti lena it tšihko angluniskola, bi dotta kaj jón dživena. Dólesko khal ke sáre angluneskoli pherdavena it sikjibakopláni hin dólen nína it resin. Te tšérel buti saj baruven pen. So rumula jek angluniskolaske ná saj rumula jek vaureske. Butjakotšeriba mote tšérel pálal kentos.

Komunas vaj faldiba hantavena angnal sváriba pa phiĺokane skoli. Tu saj boldes tut dóri kana avela problemi save tu ta personali vaj skolakohéruno ná hajuven te phutraven korkores.

6

»Angluniskola mote áchel lustigo, sigurno ta sikbarvalo sakho kentenge kon lena dieliba.«AVRI PA ANGLUNISKOLASKO SIKJIBOSKIPLÀNI LPFÖ 98 (NEVIMEN2010)

Itbutja tšérehaAro sikjibakopláni sterdola te angluniskolasko buti mote fanuvel aro nérunokáno ta tsatsukano itbutjaha tšéreha. Dólesko khal on infortanto te rakhavehas personaleha ka grunaveha pherdal variso. Jek latšo tíja dóleske hin ka ánel ta kana mukhel kentos. Tála saj personali rakhaven tuke sar tuko kentosko díves hin áchdal. Tu saj nína rakhaves ka hin fanudílo variso katta ávelas tšihko personálen te džanel.

Personali mote steĺaven anglunibako rakhiba tumensa ta rakhaven sar to kentos tšukardživela ta angledžarela pes ta sar džalpe aro angluniskola. Sikjibakopláni mote del dumudíba rakhibake.

Ka kameha te drabaves hilo sikjibakopláni? Sikjibakopláni hin are sáre angluneskoli. Tu saj te ánel vaj pherel télal sikjibakopláni katar Skólakobirosko webbthan www.skolverket.se

ISBN 978-91-87115-13-4Grafisk form: AB TypoformOmslagsfoto: MaskotFoto inlaga: s 2 NordicPhotos, s 3 Kzenon/Shutterstock, s 4 Yulya Shilova/Shutterstock, s 5 Michael McLain, s 6 NordicPhotosSkolverket 2011