24
Queridas familias: A continuación, amósanse algúns pequenos exemplos de actividades para facer sobre os diferentes contos que máis lles gustan ás nosas crianzas. Son simples exemplos, xa que, grazas á literatura infantil podemos deixar voar á nosa imaxinación e creatividade sen límites. A partires do listado de contos que se presentaron a modo de exemplo (e de todos aqueles que queirades incluir), podemos facer as nosas propias mascotas, elaborándoas con materiais de refugallo, con teas, lá, botóns, plastilina, sobre papel, cartulinas, botellas de plástico, pedras, globos, arcilla, paus, etc. Poderemos crear á prota ou o prota, personaxes do mesmo, reinventar o conto dándolle o noso propio toque persoal, inventar novos escenarios, poñerlle ás nosas voces, facer unha obra teatral e representalo nas nosas casas (con obxectos que teñamos a man, disfraces, con música…). Gracias aos contos, poderemos realizar actividades relacionadas coa expresión corporal, artística e musical, mellorar a comprensión e a expresión oral, traballar conceptos de lóxica-matemática, potenciar a creatividade, e a partir dos mesmos profundizar na educación en valores. É un momento idóneo para pór en práctica todos estes aspectos, animádevos! CRA PLURILINGÜE DE VILABOA
