Date post: | 29-Mar-2016 |
Category: |
Documents |
Upload: | marcos-da-portela |
View: | 238 times |
Download: | 4 times |
ONDE VAS,GLORIA SÁNCHEZ?
Onde vas, GLORIA SÁNCHEZ , co teu lapis na man?
Vou contar FAFARRAIOS entre as ondas do mar.
O un é un fafarrún o dous é normal o tres, sideral.
O catro é un montón o cinco un toleirón o seis…¡non sei, non sei! O sete vai e mete o oito, capiroito o nove non se move. Co dez...paso da conta. Xa me cansei!
Fafarrún
Onde vas, GLORIA SÁNCHEZ , RAÍÑA DE TURNEDÓ?
Vou regar sentimentos con PALABRAS e voz.
Non podo comer!
O oso pequeno perdido en estrelas, a sopa de letras non quere comela.
-Non faga-lo oso! dille a mamá. -Ou non medrarás!
O oso pequeno na beira do prato vai xuntando letras
Onde vas, GLORIA SÁNCHEZ, escritora, poeta?
Vou degustar cos nenos frescas RIMAS CON LETRA.
Unha mañá, pitiño pispín saíu pasear. Díxolle a nube: “ Pin-pirin-pín, pitiño pispín coas miñas pingas heite mollar”. Díxolle o pito: “ Teño paraugas para as túas pingas: pan-parán-pán!”
Onde vas, GLORIA SÁNCHEZ , BOLBORETA de inverno?
Vou buscar as respostas que se agochan no vento.
Onde vas, GLORIA SÁNCHEZ , cal raiola de sol?
Vou vestir a mañá con cores de ilusión.
É unha espada vergonzosa. En canto o espadachín desenfunda para entrar en ataque, ela empeza a porse colorada, e colorada, por verse espida e sen roupae foxe a agocharse na súa cuberta. A espida sempre anda tapada, e claro, non mata nada.
Onde vas, GLORIA SÁNCHEZ , cun sorriso tan lindo?
Vou arroupar os meus versos con apertas e bicos.
Se me dás un bico… …douche un bico!
Se unha aperta me dás… unha aperta che dou.
.
Onde vas, GLORIA SÁNCHEZ? Non te vaias, non. Non!
Onde vas, GLORIA SÁNCHEZ? Queda sempre con nós!
2º Curso