KZgunearen Google Drive ikastaroa lizentzia honek babesten du: Creative Commons
Atribuzioa- Ez komertziala-Berdin banatu_3.0_ (CC-BY-NC-SA_3.0)
GOOGLE DRIVE
GOOGLE DRIVE
Ikastaroaren aurkibidea
1. Sarrera .................................................................................................................................... 1
1.1. Sarrera ............................................................................................................ 1
1.2. Zer da Google Drive? ......................................................................................... 2
2. PCan instalatzeko erregistroa .................................................................................................. 4
2.1. Google Drive zerbitzuan nola erregistratu ............................................................. 4
2.2. PC-an google drive aplikazioa instalatzea ............................................................. 7
3. Dokumentuak igotzea, editatzea eta ezabatzea ..................................................................... 15
3.1. Dokumentu bat igotzea .................................................................................... 15
3.2. Testu dokumentu bat editatzea ......................................................................... 19
3.3. Dokumentu bat ezabatzea ................................................................................ 22
4. Artxiboak partekatzea ........................................................................................................... 24
4.1. Partekatzea eta lankidetzan aritzea ................................................................... 24
5. Google Drive beste gailu batzuetan ....................................................................................... 31
5.1. Beste gailu mugikor batzuetarako jaistea eta instalatzea ...................................... 31
6. Antzeko beste plataforma batzuk .......................................................................................... 33
GOOGLE DRIVE
1
1. Sarrera
1.1. SARRERA
Gustatuko al litzaizuke zure dokumentuak Google zerbitzari batean
biltegiratuta izatea, Interneterako konexioa duen edozein gailutatik eta
edozein lekutan eskuragarri egon ahal izateko? Horrela, ez dago zertan
biltegiratze baliabide mugikor batean (USB memoriak, disko gogorrak,
CDak, etab.) eraman.
Imajinatzen duzu zure dokumentuak beste pertsona batzuekin partekatu
ahal izatea, haiek landu ahal izateko? Zer deritzozu lantaldeko norbaitek
aldaketaren bat egitean zuri automatikoki jakinarazteko dokumentuaren
ezarpen aukerari buruz? Dokumentuaren zati espezifikoetako aldaketei
buruzko jakinarazpen arauak ere sor zenitzake.
Imajinatzen duzu hori guztia eta gehiago ere egin ahal izatea? Orain,
Google Drive zerbitzuarekin oso erraz egin ahal izango duzu.
Google Drive webean oinarritutako doako tresna bat da,
dokumentuak online sortzeko, igotzeko eta partekatzeko;
taldean lan egiteko aukera ere eskaintzen du.
GOOGLE DRIVE
2
1.2. ZER DA GOOGLE DRIVE?
Google Drive doako web tresna bat da, dokumentuak online sortzeko,
editatzeko, igotzeko nahiz partekatzeko, eta taldean lan egiteko aukera ere
eskaintzen du.
Google Drive zerbitzuak honako hau egiteko bide ematen du:
Dokumentuak sortu, editatu eta igo:
Google zerbitzari batean kargatu ahal izango ditugu testu
dokumentuak, kalkulu orriak, aurkezpenak, irudiak eta abar. Halaber,
fitxategi berriak sortu ahal izango ditugu hutsetik, edo daudenak
editatu edo gure PCra jaitsi. Gainerakoen datuak jasotzeko, online
inprimaki bat ere sortu ahal izango dugu.
Edozein lekutatik sartu eta editatu:
Dokumentuak online biltegiratzen dira, modu seguruan. Horrela,
edozein unetan sar gaitezke horietara, edozein lekutatik.
Aldaketak denbora errealean partekatu:
Beste pertsona batzuk gonbida ditzakegu gure dokumentuak ikustera
eta elkarrekin eta aldi berean aldaketak egitera. Dokumentu bati
aldaketak nork eta noiz egin dizkion jakiteko erregistro bat egin
daiteke, eta edozein bertsiotara itzul daiteke. Online dokumentu
publikoak argitara daitezke, web orriak edo gure blogean
argitaratutako dokumentuak, esaterako.
Google Drive zerbitzuaren onura nagusiak hauek dira:
Dokumentuak online biltegiratzea: Internetera konexioa duen
edozein ordenagailutatik, tablet edo smartphone gailutatik eta
abarretatik hel daiteke horietara, eta nahi denekin parteka daitezke;
editatu ere egin daitezke, baita argitaratu ere, denek ikusi ahal
izateko.
GOOGLE DRIVE
3
Formatu askorekin erabil daiteke: testu dokumentuak (.doc
eta .odt), testu aberastuko formatua (.rtf), web orriak (.html), testu
soila (.txt), aurkezpenak (.ppt, .pps eta .odp), kalkulu orriak (.xls eta
.ods) eta dokumentu garraiagarrien formatua (.pdf), besteak beste.
Doako tresna da.
GOOGLE DRIVE
4
2. PCan instalatzeko erregistroa
2.1. GOOGLE DRIVE ZERBITZUAN NOLA ERREGISTRATU
Oso erraza da Google Drive erabiltzen hastea. Hasteko, orri honetan sartu
behar gara: https://drive.google.com/ . Edo, bestela, Google zerbitzuetan
topa ditzakegun tresna horretarako zeinahi loturatan.
Google Drive erabili ahal izateko, Google erabiltzaile erregistratua izan
behar dugu. Horretarako, Google kontu bat eduki behar dugu (Gmail posta
kontu bat) edo, bestela, norberaren kontua Googlerekin lotu behar da.
Google konturik izan ezean, doan eman daiteke alta ondoren azaltzen diren
pauso hauei jarraituz.
Hasteko, pantailaren beheko aldean dagoen "Crear cuenta" (“Kontua
sortu”) botoian klik egin behar da.
GOOGLE DRIVE
5
Ondoren, eskatutako datu guztiak bete eta zerbitzuaren baldintzak
onartuko dira.
Azkenik, baieztatzeko, “Crear mi cuenta” (“Nire kontua sortu”) botoian
egin behar da klik.
Orain, alta emateko prozesua amaitzeko, datuetan idatzitako posta
elektronikoko helbidea egiaztatu behar dugu, posta helbide horretara
bidalitako mezu baten bidez. Horretarako, helbide honetan sartu behar
dugu: www.kzgunea.net.
“Zerbitzuak” menuko “Postarako sarbidea” aukeran klik egingo dugu,
pantailaren ezkerraldean, posta elektronikoko helbidera sartzeko.
GOOGLE DRIVE
6
“Erabiltzailearen ID” atala ([email protected]) eta pasahitza beteko
ditugu. “Saioa hasi” botoia sakatu, eta sarrerako ontzian egongo den
Google zerbitzuaren mezua irekiko dugu.
Mezua ireki ondoren, loturan klik egingo dugu, kontua aktibatzeko eta
Googlek gure posta elektronikoko helbidea egiaztatzeko.
Egiaztapena behar bezala eginez gero, goiko irudiko Google zerbitzuaren
baieztapen mezua agertuko da.
Orain, has gaitezke Google Drive erabiltzen. Tresnara heltzeko, hemen
egingo dugu klik: “Haga clic aquí para continuar” (“Hemen egin klik
jarraitzeko”). Kontuari telefono mugikorraren zenbakia gehitzeko aukera
hautazkoa da, eta pasahitza ahazten bazaigu, berau sms mezu baten bidez
bidaltzeko balio du.
GOOGLE DRIVE
7
Google Drive zerbitzura sartu bagara, posta elektronikoko helbidea orriaren
goialdean eskuinetara agertuko da.
2.2. PC-AN GOOGLE DRIVE APLIKAZIOA INSTALATZEA
Google Drive zerbitzura Interneteko nabigatzailearen bidez sartzeaz
gainera, tresnaren aplikazioa gure PCra jaitsi eta instala dezakegu. Modu
horretara, azkarrago sartu ahal izango gara aplikaziora, Interneteko
nabigatzailea erabili beharrik gabe. Horretarako, “Instala Google Drive
para PC” (“Instalatu Google Drive PCrako”) botoian egin behar da klik.
GOOGLE DRIVE
8
Ondoren, aplikazioaren zerbitzuaren baldintzak agertuko dira; jarraitzeko,
“Aceptar e instalar” (“Onartu eta instalatu”) botoia sakatu behar da.
Leihotxo bat agertuko da; horren bidez, deskarga exekutatuko da,
instalazio prozesuan gida gisa erabiltzeko. Horretarako, "Ejecutar”
(“Exekutatu”) aukeran klik egin behar da.
Instalatu ondoren, ongietorri mezu bat agertuko da, aplikazioaren
funtzionamendua labur-labur azaltzeko.
GOOGLE DRIVE
9
“Siguiente” (“Hurrengoa”) botoia sakatuko dugu, aplikazioaren ezarpena
hasteko.
GOOGLE DRIVE
10
Orain, Google Drive aplikazioarekin sinkronizatu nahi dugun karpetaren
kokapena aukeratu behar dugu gure PCan. Pauso hau egiteko,
“Configuracion avanzada” (“Ezarpen aurreratuak”) aukera sakatu behar
dugu; bestela, Google Drive aplikazioak sinkronizazio karpeta bat sortuko
du, besterik adierazi ezean, kokapen honetan: “C:\Documents and
Settings\Mis documentos\Google Drive”.
Beste leku batean dagoen PCko karpeta bat sinkronizatzeko, “Modificar”
(“Aldatu”) botoia sakatu behar da lehenengo.
GOOGLE DRIVE
11
“Buscar carpeta” ("Bilatu karpeta”) leihoa irekiko da, eta partekatu nahi
den karpeta hautatu behar da. Karpeta berri bat partekatu nahi izanez
gero, hori kokatu nahi den lekuaren maila bat goragoko karpeta hautatu
behar da. Adibidean: Mi PC \ DATOS (D:) \ Datos KZgunea. Ondoren,
"Crear nueva carpeta" (“Sortu karpeta berria”) sakatu, eta izena jarri
behar da. Beheko irudiko adibidean “Google Drive Sync” izena jarri zaio.
Ondoren, "Aceptar" (“Onartu”) aukeran klik egin behar da.
GOOGLE DRIVE
12
Hori egin ondoren, “Configuración avanzada” (“Ezarpen aurreratuak”)
leihoa agertuko da berriz, eta karpetaren kokapen berria agertuko da.
Kokapenaren azpian, Google Docs guneko fitxategiak sinkronizatzeko
aukera agertzen da (aldez aurretik tresna hau erabiliz gero). Horretarako,
“Sincronizar archivos de Google docs” (“Google docs guneko fitxategiak
sinkronizatu”) aukera hautatu behar dugu soilik. Hurrengo atalean “Otros”
(“Besteak”) aukera dago; aukera hori aktibatu egingo dugu Google Drive
aplikazioa automatikoki hastea nahi badugu, ordenagailua piztean. Azkenik,
Google Drive aplikazioari jakinarazi diezaiokegu Interneteko konexioak
proxy erabiltzen duela, hau da, helburuko zerbitzari bati egindako sare
konexioak bidean antzematen dituen programa edo gailu bat; hortaz,
automatikoki antzemango ditu haren ezarpenak, Google Drive sarera
konektatu ahal izateko. Aukera horiek ezarri ondoren, “Iniciar
sincronización” (“Sinkronizazioa hasi”) botoia sakatuko dugu.
GOOGLE DRIVE
13
Prozesua amaitutakoan, gure ordenagailuko kokapenean sinkronizatu den
karpeta ikusi ahal izango dugu, baita karpetan dauden eta sinkronizatu
diren fitxategi guztiak ere.
GOOGLE DRIVE
14
Pauso hau amaitzeko, adierazi behar da Google Drive aplikazioko karpetan
dokumentu bat sartu nahi badugu, herrestan eramanez, edo, bestela,
kopiatu eta itsatsiz egin ahal izango dugula. Azken aukera horrek gure
PCtik, gure ordenagailura konektatutako USB pendrive gailu batetik,
kanpoko disko gogor batetik edo Internet bidez kopiatzeko balio du,
hurrengo atalean azaltzen den moduan.
Zorionak! Badakizu Google Drive tresnan sartzen eta hura jaisten.
GOOGLE DRIVE
15
3. Dokumentuak igotzea, editatzea eta ezabatzea
3.1. DOKUMENTU BAT IGOTZEA
Google Drive aplikazioak kokapen eta gailu desberdinetatik fitxategiak
igotzeko aukera eskaintzen du, horiekin online lan egiteko, ordenagailu edo
biltegiratze gailu batean eraman beharrik gabe.
Fitxategi bat igotzeko, bi aukeren artean hautatu ahal izango dugu:
Interneteko helbide batean dagoen fitxategi bat igo:
Interneteko guneren bateko fitxategi bat erabil dezakegu, helbidea
ezagutzen badugu. Horretarako, fitxategiaren URLa edo helbidea
idatzi behar dugu.
Gure ordenagailutik fitxategi bat igo.
Google Drive zerbitzuaren web orrira sartu ondoren, pantailaren
ezkerraldean “CREAR” (“SORTU”) dioen botoi bat ikusiko dugu gorriz;
horrek dokumentu berri bat zuzenean aplikazioan editatzeko balio du.
Gainera, botoi horren eskuinaldean, botoi txikiago bat ikusiko dugu,
goranzko gezi batekin; hautatutako fitxategiak igotzeko balio du horrek.
GOOGLE DRIVE
16
Google Drive nabigatzailera sartzeko erabiltzen ari garen nabigatzailea
Google Chrome ez bada, hau da, Firefox, Internet Explorer edo beste
nabigatzaile bat erabiltzen badugu, "Subir" (“Igo”) sakatzen dugun
lehenengo aldian ez da egongo gaituta karpeta oso bat zuzenean igotzeko
aukera. Chrome nabigatzailea erabiltzen badugu, aukera hori gaituta dago,
besterik adierazi ezean. Hortaz, Chrome ez den nabigatzaile batekin,
“Subir” (“Igo”) botoia lehenengo aldiz sakatzen dugunean, leihotxo bat
agertuko zaigu, eta bi aukera izango ditugu. Bata “Archivos…”
(“Fitxategiak...”) eta bestea "Habilitar la subida de carpetas…" (“Gaitu
karpetak igotzea...”).
Karpetak igotzeko aukera gaitzeko, “Habilitar la subida de carpetas…”
(“Gaitu karpetak igotzea...”) botoia sakatu behar dugu; leiho bat irekiko da,
eta applet bat instalatzeko aukera emango digu. Osagai hori Interneteko
nabigatzailean instalatzen da eta erabiltzen dugun nabigatzailean karpetak
igotzea ahalbidetuko du.
GOOGLE DRIVE
17
Ondoren, “Instalar applet” (“Applet osagaia instalatu”) sakatuko dugu.
Abisu leiho bat agertuko zaigu, eta ohartaraziko digu argitaratzaileaz fio
bagara soilik instalatzeko aplikazioa.
Kasu honetan, Google bera da argitaratzailea, eta, beraz, lehen batean,
arazorik gabe exekuta dezakegu.
“Ejecutar” (“Exekutatu”) sakatuko dugu, eta zuzen instalatu bada,
baieztapen mezu bat agertuko da pantailaren goialdeko lauki horian.
GOOGLE DRIVE
18
Orain erabil dezakegu Google, zerbitzu guztiak gaituta.
Ikus dezagun nola igo fitxategi edo karpeta bat gure ordenagailutik.
Hasteko, bi aukeretako bat hautatu behar dugu, Google Drive aplikaziora
igo nahi dugunaren arabera. Adibide honetan, fitxategi bat igoko dugu.
Agertuko zaigun bilaketako goitibehera leihoan, nahi dugun fitxategia
aukeratuko dugu gure ordenagailutik.
GOOGLE DRIVE
19
Fitxategia aukeratu eta “Abrir” (“Ireki”) botoia sakatu ondoren, fitxategia
pantailaren erdialdean agertuko da. Dokumentuaren izenburua, jabea eta
azken aldaketaren data/ordua adieraziko dira.
3.2. TESTU DOKUMENTU BAT EDITATZEA
Aldez aurretik Google Drive aplikazioan kargatutako testu dokumentu bat
editatzeko, dokumentu hori ireki behar dugu hasteko. Modu berezi batean
GOOGLE DRIVE
20
ireki behar da, ordea. Ez da nahikoa dokumentuaren gainean klik
egitearekin; kasu horretan, ireki, irekiko baita, baina “Google Drive
Viewer” gunetik. Horrek dokumentuaren edukia ikusteko aukera emango
digu, baina ez editatzekoa. Editatu ahal izateko, Google docs gunera
esportatu behar izango dugu, pauso labur eta erraz batzuei jarraituz.
Hasteko, eskuineko botoiarekin klik egin behar dugu editatu nahi dugun
dokumentuaren izenean. Agertuko zaizkigun aukeren artean, “Exportar a
Google docs” ("Google docs gunera esportatu”) aukera hautatuko dugu.
Ikusten den moduan, leiho berri bat irekiko da; han, Google docs testu
editorea agertuko da eta dokumentua aldatzeko aukera emango digu.
Beharrezko aldaketak egin eta amaitu ondoren, dokumentuaren bertsio
berria gordeta gera dadin, “Archivo” (“Fitxategia”) fitxan klik egin behar
dugu, eta aukeren artean, “Crear una copia” (“Kopia bat sortu”)
hautatuko dugu.
GOOGLE DRIVE
21
Pauso hori egin ondoren, Google docs testu editorearen leihoa itxi ahal
izango dugu, eta Google Drive gunera itzultzean, gure unitatean jatorrizko
fitxategia (editatu baino lehenagokoa) eta fitxategiaren kopia (editatua)
ikusiko ditugu.
Aitzitik, aurreko bertsioa eta bertsio berria gordeta eduki nahi ez baditugu,
egin nahi ditugun aldaketak egin ondoren, Google Docs leihoa itxi besterik
ez dugu. Dokumentua irekiko dugun hurrengo aldian ikusiko dugu
aldaketak automatikoki gordetzen direla Google Docs ixten dugun
bakoitzean.
GOOGLE DRIVE
22
Dokumentua kalkulu orri bat, aurkezpen bat, irudi bat eta abar izanez gero,
horiek irekitzeko urratsa egitean, bakoitza dagokion aplikazioarekin irekiko
dela ikusiko dugu, Google Docs aplikazioarekin ireki ordez.
3.3. DOKUMENTU BAT EZABATZEA
Dokumentu bat ezabatu nahi izanez gero, markatu egin behar da lehenengo
(izenaren aurrean dagoen laukitxoaren bidez), eta pantailaren goialdeko
“suprimir” (“ezabatu”) ikonoan klik egin behar da, ondorengo irudi honetan
ikusten den moduan.
Bestela, ezabatu nahi dugun dokumentuan eskuineko botoiarekin klik egin
dezakegu, eta “eliminar” ("ezabatu") aukera hautatu.
GOOGLE DRIVE
23
GOOGLE DRIVE
24
4. Artxiboak partekatzea
4.1. PARTEKATZEA ETA LANKIDETZAN ARITZEA
Google Drive zerbitzuak eskaintzen dituen abantaila nagusietako bat
dokumentua beste erabiltzaile batzuekin partekatu ahal izatea da
(lagunekin, senideekin edo lankideekin). Dokumentuen zerrendatik edo
zuzenean dokumentutik egin daiteke hori.
Jabea: dokumentuaren sortzailea da. Dokumentua editatu eta
ezabatu dezake, irakurleak edo/eta laguntzaileak gonbida ditzake eta
dokumentuaren gaineko zenbait eskubide alda ditzake. Laguntzaileek
ezin dute ezabatu jabeak dokumentuan parte hartzea.
Jabeak hainbat aukera ditu dokumentua partekatzeko; horien arabera,
pertsona gonbidatuak dokumentuaren gaineko eskubide gehiago edo
gutxiago izango ditu. Dokumentu bat partekatu ahal izateko, lehenengo
urratsa eskuineko botoiarekin dokumentuaren gainean klik egitea izango
da, edo hautatzea eta "Mas" ("Gehiago") aukeran klik egitea. Agertuko
zaizkigun aukeren artean, "Compartir" ("Partekatu") hautatuko dugu, hiru
aukera agertuko zaizkigu eta berriz ere "Compartir" ("Partekatu")
sakatuko dugu. Pantailan, hau agertuko zaigu:
GOOGLE DRIVE
25
Hasteko, pribatutasun ezarpenak aldatu ahal izango dira. Irudian ikus
daitekeen moduan, “Privado” (“Pribatua”) modua dago lehenetsita.
Pribatutasun modu horretan, pantailan agertzen den zerrendan adierazitako
pertsonak soilik sartu ahal izango dira dokumentura; irudiko kasuan, jabea
soilik sartu ahal izango da.
Ezarpen hori alda daiteke, “cambiar” (“aldatu”) botoian klik eginez; hori
eginez gero, honako hiru aukera hauek agertuko dira.
Publikoa webean: Interneteko edozein erabiltzaile sartu ahal
izango da dokumentura.
Lotura jasotzen duen edozein erabiltzaile: dokumentua
dagoen lekuaren lotura jasotzen duen zeinahi erabiltzaile sartu ahal
izango da dokumentura.
Pribatua: baimenak modu esplizituan eman zaizkien pertsonak
soilik sartu ahal izango dira elementuetara.
GOOGLE DRIVE
26
Gehien interesatzen zaigun aukera hautatuko dugu, eta “guardar” (“gorde”)
botoian klik egingo dugu. Pribatutasun ezarpenak gorde ondoren,
dokumentua nahi dugun pertsonarekin partekatzeari ekingo diogu.
Horretarako, pertsonen posta elektronikoko helbideak idatzi beharko ditugu
“Añadir personas” (“Pertsonak gehitu”) atalean. Puntu horretan, pertsona
bakoitzari emango dizkiogun pribilegio motak erabaki beharko ditugu.
Besterik adierazi ezean “Puede editar” (“Edita dezake”) aukera dator
hautatuta, baina aukera horretan klik eginda, hainbat pribilegio mota
agertuko zaizkigu:
Edita dezake: aukera hori hautatuz gero, dokumentura
gonbidatutako pertsonak dokumentua editatu ahal izango du, ez
soilik irakurri. Lehen batean, baimenak aldatu eta pertsonak
gonbidatu ahal izango ditu, baina hori alda daiteke.
GOOGLE DRIVE
27
Aldatzeko aukera klik eginez gero, “Los editores pueden añadir a
personas y cambiar los permisos” (“Editoreek pertsonak gehitu eta
baimenak aldatu ditzakete ”) jartzen duen lekuan, leihoaren behealdean, bi
aukera hauek agertuko zaizkigu:
Oharrak egin ditzake: gonbidatutako pertsonak dokumentua
kontsultatu eta ikusi ahal izango du, baita oharrak gehitu ere, baina
inolaz ere ezingo du editatu.
Ikus dezake: gonbidatutako pertsonak dokumentua ikusi egin
ahal izango du soilik; ez du eskubide gehiago izango kontsulta
arrunta egitekoa baino.
GOOGLE DRIVE
28
Lehenengo aukeran, editoreek pertsonak gehitu eta dokumentuaren
baimenak aldatu ahal izango dituzte. Bigarren aukeran, jabeak soilik aldatu
ahal izango ditu dokumentuaren baimenak eta gehitu edo ezabatu
erabiltzaileak.
Dokumentua pertsona batekin partekatzeko, haren posta elektronikoko
helbidea idatzi behar da dagokion atalean, ondorengo irudian agertzen den
moduan; ondoren, nahi den ezarpena hautatuko dugu, eta "Compartir y
guardar" ("Partekatu eta gorde") sakatuko dugu.
GOOGLE DRIVE
29
Aldaketa baieztatu ondoren, gonbidatutako pertsona dokumentura sartzeko
baimena dutenen zerrendan agertuko dela ikusiko dugu, jabearen azpian.
Pertsona horren helbidearen eskuinaldean agertzen den moduan,
emandako pribilegioen ezarpena aldatu ahal izango dugu noiznahi, egungo
ezarpenenetan klik eginda; kasu honetan, “Puede editar” ("Edita dezake").
Bestela, pertsona hori dokumentua partekatzen dugun pertsonen artetik
ezaba daiteke, eskuinerago agertzen den “x” ikurrean klik eginda.
GOOGLE DRIVE
30
Noiznahi aldatu ahal izango ditugu ezarpen horiek menu nagusitik, Google
Drive aplikazioan daukagun edozein dokumenturen “compartir”
(“partekatu”) aukeraren bidez.
Pertsona gonbidatuak honen antzeko mezu elektroniko bat jasoko du
sarrerako ontzian, gonbidatua izan den dokumenturako loturarekin:
Dokumentuaren izenean klik eginda, dokumentu hori irekiko zaigu, jabeak
izendatutako pribilegioekin.
GOOGLE DRIVE
31
5. Google Drive beste gailu batzuetan
5.1. BESTE GAILU MUGIKOR BATZUETARAKO JAISTEA ETA
INSTALATZEA
Lehen aipatutako moduan, Google Drive aplikazioa, web bertsioaz aparte,
ordenagailu batean ere instala daiteke, besteak beste PC edo gailu mugikor
batean. Horretarako, aplikazioa jaitsi eta instalatu egin beharko dugu
ordenagailu horretan. PCan instalatu nahi izanez gero, “Instalar la
aplicación Google Drive en tu PC” (“PCan Google Drive aplikazioa
instalatzea”) atalean adierazitako urratsei jarraitu behar zaie.
Nabarmentzekoa da web bertsiotik egindako dokumentu aldaketen edo/eta
pribilegioen eguneraketa oro instalatutako bertsioan ere aplikatuko dela,
eta alderantziz.
Gailu mugikorrei dagokienez, smartphone gailuaren aplikazio zerbitzuaren
(Play store, App Store...) bidez jaitsi behar da aplikazioa. Aplikazioaren
bertsio guztiak doakoak dira.
Google Drive aplikazioa gailu mugikorrera jaisten da, eta PCan instalatutako
aplikazioan bezala, Google Drive unitatean egindako aldaketa oro aplikazio
mugikorrean ere islatuko da.
Aplikazioa mugikorrean edo beste zeinahi gailu eramangarritan edukitzeak
Google Drive unitatean dugun edozein dokumentura sartzeko eta hura
kontsultatzeko eta editatzeko aukera emango digu, edozein lekutatik;
beraz, onura handia da hori.
Ondoren, Google Drive aplikazioa bertsio mugikorrerako jaisteko prozesua
azalduko da. Android sistema batera jaitsiko da, “Play store” gunetik.
Hasteko, gure gailu mugikorretik Android sistema eragilearekin “Play
store” aplikaziora sartuko gara (beste sistema eragile batzuetan, hala nola
GOOGLE DRIVE
32
iPhone, aplikazioaren izena aldatuko da, eta, bistan denez, telefonoak
smartphone bat izan behar du).
Jarraian, bilatzeko eremuan, “Google Drive” hitzak idatziko ditugu,
ondorengo irudian bezala, nahi dugun aplikazioa aurkitzeko eta jaisteko.
GOOGLE DRIVE
33
Oro har, bilatutako aplikazioa zerrendako lehenengoa izango da; horrela ez
bada, ordea, izenagatik eta logotipoagatik aurkitu ahal izango dugu.
Hautatu dagokion aplikazioa, egin klik "Descargar" (“Jaitsi”) botoian eta,
ondoren, “Aceptar y descargar” (“Onartu eta jaitsi”) botoian.
GOOGLE DRIVE
31
Aplikazioa jaitsi ondoren, aplikaziora sartutako lehenengo aldian,
zerbitzuaren baldintzak onartu beharko ditugu.
Aplikaziora sartu ondoren, Google Drive aplikazio mugikorrak honako
interfaze hau izango du:
Mi Unidad (“Nire Unitatea"): aukera horretan, nire unitatean dauden
dokumentuak agertuko dira.
Compartido conmigo (“Nirekin partekatua”): aukera honetan,
Google Drive zerbitzuko beste erabiltzaile batzuek nirekin
partekatutako dokumentuak agertuko dira soilik.
Destacado (“Nabarmenduak”): hemen, aldez aurretik nabarmendu
gisa markatutako dokumentuak agertuko dira.
Reciente (“Azken dokumentuak”): Google Drive zerbitzuko nire
unitatera berriki gehitutako dokumentuak.
Sin Conexión (“Konexiorik gabe”): tokiko memoriako dokumentuak
dira eta Internetera konektatu gabe kontsulta daitezke.
GOOGLE DRIVE
32
Zorionak! Orain arte ikasitakoarekin badakizu Google docs erabiltzen web
bertsioan nahiz aplikazio desberdinetan.
GOOGLE DRIVE
33
6. Antzeko beste plataforma batzuk
Beste online plataforma batzuk ere badaude. Nagusiak hauek dira:
https://skydrive.live.com/
https://www.dropbox.com/
https://www.icloud.com/
https://www.box.com/