Manual
para editores da UDC
Manual para editores de la UDC
Universidade da Coruña, 2011 Páxina 1 de 96
Índice
1. Introdución ............................................................................................. 4
1.1. Características do OpenCms ..................................................................... 4
1.2. Esquema básico de comunicacións do OpenCms ............................................ 11
2. Requisitos de acceso ao xestor .................................................................... 12
3. Contorno de traballo ................................................................................ 13
3.1. Acceso ............................................................................................. 13
3.2. Barra de ferramentas ........................................................................... 15
3.2.1. Selector de proxecto....................................................................... 15
3.2.2. Publicar un proxecto ....................................................................... 15
3.2.3. Cola de publicación ........................................................................ 16
3.2.4. Selector de vista ............................................................................ 16
3.2.5. Recargar ..................................................................................... 16
3.2.6. Preferencias ................................................................................. 16
3.2.7. Saír ........................................................................................... 19
3.2.8. Axuda ........................................................................................ 19
3.3. Explorador ........................................................................................ 19
3.3.1. Tipo de recurso ............................................................................. 21
3.3.2. Estado de bloqueo.......................................................................... 21
3.3.3. Estado de publicación ..................................................................... 22
3.3.4. Barra de ferramentas do Explorador .................................................... 22
3.3.5. Menú contextual ............................................................................ 23
3.3.6. Dispoñibilidade ............................................................................. 25
3.4. Administración ................................................................................... 27
3.4.1. Menú ......................................................................................... 27
3.4.2. Opcións de administración ................................................................ 28
3.4.3. Galerías ...................................................................................... 29
3.4.4. Formularios .................................................................................. 30
3.5. Conceptos do web da UDC ...................................................................... 30
3.5.1. Bolsa ......................................................................................... 30
3.5.2. Evento........................................................................................ 31
3.5.3. Persoal ....................................................................................... 32
3.5.4. Novas de comunicación e prensa ......................................................... 32
Manual para editores de la UDC
Universidade da Coruña, 2011 Páxina 2 de 96
3.5.5. Campañas .................................................................................... 32
3.6. Conceptos do xestor ............................................................................. 33
3.6.1. Modelos ...................................................................................... 33
3.6.2. Páxinas de detalle .......................................................................... 33
4. Subida de documentos e imaxes .................................................................. 35
4.1. Tamaño de imaxes a subir. ..................................................................... 37
4.1.1. Páxina principal ............................................................................ 37
4.1.2. Páxina de noticias de comunicación e prensa .......................................... 37
4.1.3. Páxina institucional ........................................................................ 38
4.1.4. Páxinas de eventos, bolsas e persoal .................................................... 39
5. Menús de navegación ................................................................................ 40
5.1. Aspectos que cómpre ter en conta ............................................................ 41
6. Xestión de permisos ................................................................................. 42
6.1. Establecer os permisos .......................................................................... 43
6.2. Aspectos que cómpre ter en conta ............................................................ 47
7. Creación de contidos ................................................................................ 48
7.1. Crear o contido .................................................................................. 48
7.2. Indicar a forma de visualización ............................................................... 50
7.2.1. Templates ................................................................................... 50
7.2.2. Páxinas de detalle .......................................................................... 51
7.3. Cubrir os datos que se van amosar ............................................................ 51
7.3.1. Campos de introdución de texto ......................................................... 56
8. Edición de contidos .................................................................................. 63
8.1. Páxina xenérica da UDC ........................................................................ 63
8.1.1. Páxinas de detalle .......................................................................... 64
8.2. Páxina xenérica a dúas columnas ............................................................. 68
8.2.1. Páxina de detalle ........................................................................... 69
8.2.2. Modelo ....................................................................................... 69
8.3. Páxina institucional da UDC .................................................................... 70
8.3.1. Páxina de detalle ........................................................................... 71
8.3.2. Modelo ....................................................................................... 71
8.4. Convocatorias de bolsas da UDC ............................................................... 72
8.4.1. Páxina de detalle ........................................................................... 74
8.4.2. Modelo ....................................................................................... 74
8.5. Convocatorias, contratacións e concursos do PAS ou PDI da UDC ........................ 74
Manual para editores de la UDC
Universidade da Coruña, 2011 Páxina 3 de 96
8.5.1. Páxina de detalle ........................................................................... 77
8.5.2. Modelo ....................................................................................... 77
8.6. Eventos ............................................................................................ 77
8.6.1. Páxina de detalle ........................................................................... 80
8.6.2. Modelo ....................................................................................... 80
8.7. Nova ............................................................................................... 81
8.7.1. Páxina de detalle ........................................................................... 83
8.7.2. Modelo ....................................................................................... 83
8.8. Contratación administrativa ................................................................... 83
8.8.1. Páxina de detalle ........................................................................... 85
8.8.2. Modelo ....................................................................................... 85
8.9. Ligazón ............................................................................................ 85
8.9.1. Páxina de detalle ........................................................................... 86
8.9.2. Modelo ....................................................................................... 86
8.10. Páxina de inicio (campañas) .................................................................. 86
8.11. Formularios...................................................................................... 87
8.11.1. Páxina de detalle ......................................................................... 89
8.11.2. Modelo ...................................................................................... 90
8.11.3. Número de referencia único............................................................. 90
8.11.4. Administración de formularios .......................................................... 90
8.12. Galerías de imaxes ............................................................................. 91
8.12.1. Foto-información, foto con contido e información sobre a imaxe ................. 91
8.12.2. Álbum de fotos ou galería de imaxes do tipo foto-informacion .................... 92
Manual para editores de la UDC
Universidade da Coruña, 2011 Páxina 4 de 96
1. Introdución
O OpenCms (content management system en inglés, cuxa sigla é CMS) é un sistema de
xestión de contidos de código aberto para webs, é dicir, un programa que dá soporte á
creación e administración de sitios web completos de forma sinxela.
Moitos profesionais consideran que o OpenCms é o mellor xestor de contidos baseado en Java
que existe no mercado arestora, xa que incorpora todas as características dun bo CMS.
1.1. Características do OpenCms
As características principais do OpenCms son estas:
Baséase en Java e XML. O OpenCms está totalmente desenvolvido en Java baixo o
estándar servlet. Por tanto, permite unha fácil integración nos contornos de hárdware
e sóftware existentes, especialmente se neles xa se utiliza Java con outros
propósitos. Os contidos gárdanse en ficheiros XML e toda a lóxica se fai en Java e
páxinas de servidor Java (JavaServer Pages, JSP).
É fácil de instalar. A instalación e a actualización do xestor realízanse usando un
asistente moi sinxelo. Só necesita un contorno que dispoña dun contedor de servlet,
como pode ser o Tomcat, e unha base de datos como, por exemplo, MySql.
O asistente vai paso a paso a través da configuración para amosar as posibilidades e
proporcionar detalles sobre o contorno. Supondo que este contorno (o contedor de
servlet e a base de datos) xa está montado, agás problemas puntuais e excepcionais a
instalación non debería levar moito máis de dez minutos.
Contorno de traballo baseado en navegador. O OpenCms instálase nun servidor web
e os usuarios acceden ao sistema a través dun navegador web desde calquera lugar,
malia poderen establecerse restricións de seguridade que bloqueen algunhas redes.
Calquera navegador é válido para executarmos o xestor, mais aconséllase o uso de
Firefox ou Internet Explorer, xa que o resto pode presentar pequenas restricións á
hora de levarmos a cabo algunha tarefa puntual.
Xestión de recursos. Tanto as imaxes como calquera tipo de ficheiros binarios poden
xestionarse co uso de galerías para evitarmos as redundancias. O OpenCms soporta
que se importe case calquera tipo de ficheiro. Poden xestionarse múltiplas galerías e
configurarse os correspondentes permisos.
Manual para editores de la UDC
Universidade da Coruña, 2011 Páxina 5 de 96
Sistema de xestión de usuarios e permisos integrado. O acceso a todo o contido que
xestiona o OpenCms pode restrinxirse mediante un sistema de xestión de usuarios e
permisos. Isto garante un acceso controlado e protexido ás distintas áreas, así como a
creación de áreas privadas. No OpenCms todos os recursos teñen un «dono» e están
asociados a un grupo de usuarios cuns permisos concretos que poden asignarse ao
dono, ao grupo ou a todos os usuarios. Este é un dos puntos que trataremos en
profundidade máis adiante.
Publicación protexida. O OpenCms integra un mecanismo que proporciona dous
contornos totalmente diferenciados: offline (fóra de liña), que é o contorno en que se
traballa; e online (en liña), que é aquel visible ao público. A cantidade de proxectos é
ilimitada. Todo o contido pode ser revisado, aprobado e probado antes de se publicar.
Así mesmo, poden desfacerse todos os cambios que non fosen publicados e definirse
regras de publicación e acceso a un proxecto. O OpenCms integra unha cola de
publicación, de forma que unha acción de publicación de moitos contidos permite
seguirmos traballando na ferramenta. É, por tanto, un proceso transparente ao
usuario até se completar. De se producir algún erro na publicación, o usuario recibirá
un aviso do erro producido.
Editor WYSIWYG. A edición das páxinas no OpenCms é moi sinxela grazas ao editor
WYSIWYG que integra, o cal permite a edición nun contorno similar ás ferramentas de
texto máis populares. Non é necesario ningún coñecemento de HTML para a edición,
aínda que tamén integra un editor de código que lles permite aos usuarios avanzados
teren control sobre o código HTML xerado. Coa axuda do WYSIWYG poden crearse
páxinas sen contido estruturado e capas complexas de maneira doada.
Permite inserirmos ligazóns ou imaxes en galerías, e crearmos táboas e ligazóns
externas.
Contido estruturado. O contido estruturado foi un dos grandes cambios introducidos
polo OpenCms 6 a respecto da anterior versión. Con esta mellora poden crearse
contidos específicos para almacenarmos algún tipo de información. Este contido
edítase mediante un formulario que se xera automaticamente mediante o uso de
widgets e fai que a edición de contidos no portal sexa moito máis sinxela e potente.
Widgets. Desde a versión 6 poden implementarse compoñentes de axuda para
cargarmos formularios que faciliten introducirmos información nos contidos. Permite
tamén a inclusión dun editor WYSIWYG completo para os campos de texto de certos
formularios.
Manual para editores de la UDC
Universidade da Coruña, 2011 Páxina 6 de 96
Internacionalización. O OpenCms configúrase co formato UTF-8 e, xa que logo,
soporta contido con carácteres internacionais. Para alén, está pensado para lle dar
soporte a máis dun idioma. A xestión de contidos en múltiplos idiomas é moi sinxela e
intuitiva para os editores, que só deben preocuparse de traduciren os contidos ás
distintas linguas: o xestor encárgase do resto.
Ao xestor indicaráselle un idioma por defecto, que será aquel en que se cargará no
caso de un contido non se traducir ao idioma en que se está a navegar, sen perder a
referencia ao devandito idioma.
Versións do contido. Todo o contido do OpenCms ten un control de versións.
Existe un historial que permite seguirmos a pista de todos os cambios publicados,
quen os fixo e cando. As versións arquívanse e poden ser restablecidas, o que
posibilita o acceso ás anteriores en calquera momento.
Sistema de modelos. O OpenCms soporta varios mecanismos de modelos.
É recomendable usarmos as JSP para crear os modelos. O sistema que integra o
OpenCms usa páxinas dinámicas e permite a separación do contido XML e os modelos.
Deste modo é doado crearmos un deseño corporativo.
Direct edit (edición directa). A edición directa é un elemento que apareceu a partir
da versión 6 do OpenCms e que ofrece un sistema de edición de contidos
directamente desde o web, sen necesidade de vermos a ferramenta de administración
do OpenCms. Isto fai o uso dos usuarios editores moito máis simple e intuitivo e,
xa que logo, que a curva de aprendizaxe sexa moito menor.
Integración de JSP. A integración de JSP do OpenCms permite crearmos facilmente e
segundo os estándares funcionalidades dinámicas. As JSP xestiónanse no espazo de
traballo do OpenCms como todos os demais recursos. Ademais, as JSP baseadas en
modelos permiten separarmos o contido XML e dármoslles un gran dinamismo ás nosas
páxinas. As principais características da integración de JSP son as seguintes:
o Soporte mediante WYSIWYG de páxinas editables que empregan modelos JSP.
o Permite o uso dos mesmos modelos de JSP para as páxinas e os formularios
interactivos.
o Uso de taglibs.
o Conta cunha interface de programación de aplicacións (API) de JSP (JSP API)
para accedermos ás funcionalidades do OpenCms.
o Separa as versións en liña e fóra de liña da mesma JSP.
o Exportación estática (opcional).
Manual para editores de la UDC
Universidade da Coruña, 2011 Páxina 7 de 96
o Multilinguaxe.
Sistema de axuda en liña. O OpenCms dános a posibilidade de integrarmos un
contexto cun módulo de axuda (com.opencms.help) grazas ao cal os usuarios
inexpertos teñen un medio para aprenderen doadamente.
Exportación de contido estático e dinámico. O OpenCms apóiase en bases de datos e
os contidos xéranse dinamicamente tirando delas. Para garantir unha execución
óptima, o OpenCms conta cun sistema de caché que permite exportarmos o contido
que se desexe no caso de se tratar dunha páxina con contido estático.
Esta funcionalidade é moi útil para contidos como as imaxes. Pode seleccionarse o
contido que quere amosarse de maneira estática e de xeito dinámico. O OpenCms
encárgase de manter as ligazóns entre ambos os tipos de contido.
Personalización. O OpenCms permite crear webs personalizados. Cada acceso a un
recurso faise sempre comprobando os permisos do usuario. O sistema de xestión de
usuarios e de sesións permite crearmos aplicacións complexas e personalizadas
baseadas en JSP.
Sistema de caché. O OpenCms integra un sistema de caché para as páxinas dinámicas
co obxecto de minimizar o número de pedimentos á base de datos. A FlexCache é un
novo sistema de caché creado para o OpenCms que se introduciu por primeira vez na
versión 5.0. Non require programación e pode aumentar enormemente o rendemento
do web. A primeira vez que se realiza o pedimento dunha páxina, renderízase o
resultado e gárdase como unha variación na FlexCache. Gárdase máis dunha
variación. Para as sucesivas chamadas, non se necesitarán accesos á base de datos,
senón que se cargará o contido almacenado na FlexCache. Como está integrada no
núcleo do OpenCms, cando unha páxina é modificada actualízase inmediatamente na
FlexCache, de forma que se mantén sempre unha versión actualizada.
Mecanismo modularizado para extensións. O OpenCms integra un sistema que
permite a unión de contido ou funcionalidades para o despregamento noutras
máquinas.
Sistema de tarefas programadas. Con este sistema pode invocarse unha acción
periódica, o que pode incluír publicacións automáticas, borrado de contidos expirados
e outras funcionalidades complexas. Estas tarefas programadas son similares aos
coñecidos crontabs dos sistemas UNIX.
Mecanismo de sincronización. O mecanismo de sincronización pode usarse para
sincronizar os ficheiros da base de datos do OpenCms co servidor de ficheiros do
Manual para editores de la UDC
Universidade da Coruña, 2011 Páxina 8 de 96
sistema, unha característica máis necesaria nos contornos de desenvolvemento.
Axiliza o ciclo de desenvolvemento porque os recursos poden modificarse no servidor
de ficheiros con calquera editor, e así actualizarse no sistema de arquivos do
OpenCms con apenas premermos un botón.
Importación/exportación de contido. O OpenCms permite exportarmos partes dun
módulo ou a súa totalidade. Os recursos exportados serán reescritos en formato XML e
arquivados nun ficheiro coa extensión .ZIP. Tamén conterán metainformación
adicional, como as propiedades ou os permisos. Con este mecanismo poden facerse
copias de seguridade e mesmo despregar contido dun sistema a outro.
Soporte de motor de busca. Desde a versión 6, o OpenCms integra no núcleo o motor
de indexación Lucene, que mantén indexado todo o contido que desexemos para a
súa posterior busca. A integración entre o OpenCms e Lucene é total, de forma que
todo o contido do OpenCms, tanto fóra de liña como en liña, se mantén indexado de
forma oculta ao usuario. O grao de configuración na versión 7 é tan elevado que
permite crearmos distintos tipos de índice onde se manterá almacenada a
información que desexemos de cada recurso estruturado. Por exemplo, se para un
recurso do tipo contacto_axenda interesa manter indexado unicamente o nome e a
data de nacemento, podemos configuralo para isto, de maneira que o resto dos
campos sexa ignorado.
Balanceo de carga e tolerancia de fallos. Para asegurar a dispoñibilidade do web
(mesmo no caso dun fallo do sóftware) ou para xestionar webs con gran carga,
a instalación do OpenCms pode facerse en distintas máquinas a través do módulo de
pagamento OCEE que dá soporte a estas funcionalidades. Cando se produce un cambio
na máquina mestra, esta encárgase de llo notificar ao resto das máquinas para se
actualizaren automaticamente.
Metainformación (propiedades). Para cada recurso poden crearse varias propiedades
co obxecto de almacenarmos metainformación particular de cada un deles.
A funcionalidade que proporcionan estas propiedades pode variar desde controlar o
deseño do modelo até proporcionarlles información optimizada aos motores de busca.
O valor destas propiedades é facilmente modificable por calquera usuario que teña
permisos para realizar esa operación. O OpenCms trae algunha propiedade por
defecto, mais o usuario poderá engadir todas as que considerar necesarias.
Manual para editores de la UDC
Universidade da Coruña, 2011 Páxina 9 de 96
Relacións entre recursos. O OpenCms 7 introduce unha gran mellora no manexo das
ligazóns internas entre recursos propios. O novo desenvolvemento da enxeñaría de
relacións entre contidos garda unha ligazón que se mantén mesmo despois de
movermos ou renomearmos un recurso, ou carpetas enteiras do sistema virtual de
ficheiros (virtual file system en inglés, cuxa sigla é VFS) do OpenCms. Cando se quere
borrar un recurso amósase un informe coas ligazóns rotas que orixinará esta acción,
e no cadro de diálogo de publicación infórmase de todas as ligazóns que romperon.
Este informe pode imprimirse para corrixirmos as devanditas ligazóns e evitarmos
erros no web. Opcionalmente poden borrarse as ligazóns rotas nos contidos
estruturados para invalidar os nodos afectados ou redefinir tales campos. A enxeñaría
de relacións permite incluso facermos consultas sobre os recursos para saber que
outros recursos os están a enlazar e poder navegar a través destas relacións sen
ningún problema.
Outra das posibilidades que incorpora a nova enxeñaría de relacións é a de
publicarmos recursos relacionados. Por exemplo, se dispomos dunha nova con dúas
imaxes enlazadas e un ficheiro binario podemos publicalo todo desde o cadro de
diálogo de publicación da mesma nova. No proceso aparecerá unha listaxe con todos
os recursos enlazados co actual que non están publicados, e terase igualmente a
opción de non publicalo de non se desexar.
Sistema de categorización. Poderemos definir as categorías dentro dunha carpeta do
VFS do OpenCms e, posteriormente, desde un menú específico, asociar os contidos á
categoría que desexemos. Desde a API poderemos recuperar toda a información que
necesitemos, como todos os recursos que pertencen a unha categoría especifica,
ou viceversa, coñecer a que categorías pertence un recurso en particular.
Recuperación de recursos borrados. Unha das principais melloras que incorporan as
novas versións do OpenCms no tocante á xestión do contido propiamente dita é a
posibilidade de recuperarmos recursos que previamente foron borrados. Para isto,
na carpeta que contén os recursos borrados existe esta opción.
Soporte WebDAV. No OpenCms 7 incorporouse a posibilidade de accedermos ao VFS
mediante o protocolo WebDAV. Este permite conectarse a toda a información do
OpenCms como se fose unha unidade máis da nosa máquina, usar un contorno de
desenvolvemento integrado (IDE) como Eclipse para conectarnos ao VFS co obxecto de
editarmos as JSP ou editarmos as nosas páxinas HTML desde un editor gráfico máis
avanzado que o FCKEditor.
Manual para editores de la UDC
Universidade da Coruña, 2011 Páxina 10 de 96
Sistema de xestión de usuarios. O sistema de seguridade do OpenCms está baseado
nos seguintes elementos:
o Roles. Definíronse unha serie de roles con que determinamos certas
funcionalidades que poden realizarse, de forma que os privilexios de cada
usuario veñen asignados polos roles que se lle aplican. Así temos un sistema
moito máis flexible, que permite personalizarmos de forma máis avanzada os
distintos perfís de usuario que existen nun proxecto en particular.
o Unidade organizativa. O novo sistema baseado en unidades organizativas
permite manexarmos áreas dentro do OpenCms cos seus propios grupos e
usuarios. Agora é posible termos unha unidade organizativa asociada a cada
sitio ou a cada subcarpeta dentro dun sitio.
o Grupos/usuarios. Os grupos permiten reunirmos usuarios coa mesma
configuración de privilexios. Poderán asignarse privilexios comúns a todos os
usuarios dun grupo.
Menú contextual. O OpenCms ofrece un menú contextual sobre todos os recursos que
é posible personalizarmos para cada usuario, de forma que segundo en que proxecto
estiver, os permisos que tiver e o estado do propio recurso amosa unhas accións ou
outras.
Buscador no contorno de traballo. Nas últimas versións integrouse a posibilidade de
buscarmos información dentro do propio contorno de traballo, o que axiliza
atoparmos contidos dentro do propio OpenCms.
Sistema de tratamento de imaxes. O OpenCms posúe un potente sistema de
tratamento de imaxes, polo cal podemos presentar unha imaxe en tempo de
execución axustándoa ao tamaño real en que vai amosarse. Grazas a este sistema
optimízase o peso das páxinas HTML xeradas.
Manual para editores de la UDC
Universidade da Coruña, 2011 Páxina 11 de 96
1.2. Esquema básico de comunicacións do OpenCms
O OpenCms é unha aplicación web que se executa nun servidor de aplicacións de edición
para empresas da plataforma Java 2 (J2EE). O contorno de traballo que permite editarmos e
administrarmos os contidos forma parte desta aplicación, polo que o acceso ao xestor ten
lugar de igual maneira, é dicir, a través do protocolo http desde un navegador.
Doutra parte, o OpenCms require unha base de datos para lle dar soporte ao seu sistema
virtual de ficheiros (VFS), en que se almacenan a estrutura dos sitios web, os contidos,
os modelos, as bibliotecas de código etc. Pola súa vez, a aplicación tamén poderá acceder a
outros sistemas de ficheiros que lle proporcionaren información adicional.
Ilustración 1. Esquema básico de comunicacións do OpenCms
Base de Datos
Sistema de
ficheros virtual
(VFS)
Servidor de aplicaciones
Aplicación Web
OpenCms
Acceso al sitio web
Acceso al entorno de trabajo
HTTP
Sistema de ficheros
Manual para editores de la UDC
Universidade da Coruña, 2011 Páxina 12 de 96
2. Requisitos de acceso ao xestor
O OpenCms é un sistema de xestión de contidos que se instala nun servidor web e ao cal os
usuarios acceden a través dun navegador web.
Calquera navegador é válido para executarmos o xestor, mais aconséllase o uso de Firefox ou
Internet Explorer. Non é que o resto dos navegadores non funcione, trátase simplemente de
que nos outros poden presentarse pequenas restricións á hora de levarmos a cabo algunha
tarefa puntual.
Independentemente do navegador que for utilizarse, será necesario que teña activada a
linguaxe JavaScript, xa que sen a súa activación non é posible accedermos ao xestor.
Recentemente Microsoft publicou a versión beta do Microsoft Internet Explorer 9 (IE9).
Os equipos da UDC teñen configuradas as actualizacións automáticas do sistema operativo e,
por esa razón, o IE9 ha instalarse de forma automática en canto estiver dispoñible a versión
final.
En teoría o IE9 traballará sen problemas na maioría dos sitios web e, no caso contrario,
pasará automaticamente ao Modo de compatibilidade en apenas uns segundos. Porén,
detectouse que isto non é así co xestor do OpenCms. Se a versión final do navegador ou unha
nova versión do xestor do OpenCms non solucionan o problema, o usuario deberá seleccionar
o Modo de compatibilidade de forma manual para obter un correcto funcionamento do
xestor. Para isto simplemente hai que premer o botón situado ao lado da barra de
navegación do navegador.
Manual para editores de la UDC
Universidade da Coruña, 2011 Páxina 13 de 96
3. Contorno de traballo
É o contorno a través de que as persoas implicadas no desenvolvemento e posterior
mantemento do sitio web (administradores, desenvolvedores, editores etc.) levan a cabo as
súas tarefas.
3.1. Acceso
Para accedermos ao contorno de traballo, ábrese unha xanela do explorador
(preferiblemente Firefox ou Internet Explorer) e cárgase o enderezo
http://publicacion.udc.es/system/login.
Aparece o seguinte cadro de diálogo, en que se introducirán o nome de usuario e o
contrasinal.
Ilustración 2. Páxina de acceso ao xestor
Deste xeito introducindo os datos correctos e premendo o botón Acceder, por defecto se
visualiza o Explorador de OpenCms con acceso aos sitios web definidos segundo os permisos
que se asignaran ao usuario que está accedendo, na Unidade Organizativa Raíz.
Manual para editores de la UDC
Universidade da Coruña, 2011 Páxina 14 de 96
Se o usuario que está accedendo pertence a algunha Unidade Organizativa diferente da Raíz,
hai que premer o botón de Opcións, para permitir selección a dita Unidade no combo
despregable:
Ilustración 3: Unidades Organizativas
Manual para editores de la UDC
Universidade da Coruña, 2011 Páxina 15 de 96
3.2. Barra de ferramentas
Na parte superior do contorno de traballo, e de lado a lado, está a barra de ferramentas.
Ilustración 4. Barra de ferramentas do OpenCms
Vexamos cada un dos elementos.
3.2.1. Selector de proxecto
Permite escollermos o proxecto con que se vai traballar. Por defecto hai dous proxectos:
Online (en liña), que contén os ficheiros que actualmente están publicados, isto é,
o que os usuarios externos ven no web. Os documentos que se atopan neste proxecto
non poden ser editados.
Offline (fóra de liña), que contén todos os ficheiros do VFS cos cambios que se
realizaron, mais que aínda non foron publicados. Este é o proxecto en que se editan
os contidos.
Poderían crearse novos proxectos que só tivesen acceso a partes do VFS.
3.2.2. Publicar un proxecto
Ao premermos o botón publicaranse todos os recursos do proxecto actual que foron
modificados desde a última publicación, é dicir, todos os contidos que están modificados a
respecto do que hai en liña para o mesmo proxecto.
No proxecto en liña este botón está inactivo, xa que é o proxecto que contén os contidos
publicados e, daquela, non hai modificacións pendentes.
Agás que formos conscientes exactamente de que cambios se fixeron desde a última
publicación, non é moi aconsellable publicarmos desde este botón: poderían publicarse
contidos que foron modificados por outros usuarios, mais que aínda non están listos para
pasaren a estar en liña.
Manual para editores de la UDC
Universidade da Coruña, 2011 Páxina 16 de 96
3.2.3. Cola de publicación
O botón amosa unha listaxe con todos os traballos de publicación en curso e outra co
histórico das últimas cen publicacións realizadas.
Para cada elemento do histórico pode verse o proxecto a que afecta a publicación, a data de
inicio, a data de fin, o usuario que realizou a publicación e a cantidade de ficheiros que se
viron afectados. Hai unha icona que indica se a publicación presentou algún problema ou se
realizou correctamente. Ao premermos sobre unha publicación accédese a un informe
detallado desta.
3.2.4. Selector de vista
A seguinte listaxe despregable é a de Vista. As dúas vistas entre as que se pode elixir son
estas:
Explorador. É a vista en que se traballa normalmente e desde a que se poden ver e
modificar todos os contidos.
Administración. Trátase dunha vista que permite o acceso a unha serie de
ferramentas técnicas usadas principalmente polo administrador. Debido á importancia
destas ferramentas, trataranse máis polo miúdo nunha epígrafe posterior.
3.2.5. Recargar
Como o seu propio nome indica, o botón recarga o contido da páxina.
3.2.6. Preferencias
No xestor poden cambiarse unha serie de opcións xerais segundo as preferencias do usuario.
Para isto cómpre premermos o botón Preferencias , que carga un cadro de diálogo con
varias lapelas:
Workplace (lugar de traballo). Nesta lapela salientan as seguintes opcións:
o Usar applet (miniaplicación) de subida de ficheiros. Indica se se usará o
compoñente Java para subirmos ficheiros ao VFS. Por defecto está activada,
mais convén sabermos que pode desactivarse no caso de que o compoñente
Java non funcione correctamente. Se esta opción se desactiva, ao usuario
Manual para editores de la UDC
Universidade da Coruña, 2011 Páxina 17 de 96
amósaselle, en lugar do compoñente Java, un formulario para subir un único
ficheiro de cada vez.
o Time warp. Permite especificar a data con que o usuario verá os contidos do
sitio web, de forma que sen cambiar as datas de publicación ou caducidade
destes pode verse o aspecto que tivo ou terá o web nunha data dada.
o Comezo co sitio. Se o usuario ten acceso a varios sites (sitios), aquí pode
indicar cal se cargará por defecto ao arrancar o OpenCms na súa sesión.
Ilustración 5. Workplace (lugar de traballo) do xestor de preferencias
Explorador. Salientan os cadros que permiten configurarmos os datos de cada recurso
que aparecen na vista Explorador.
Ilustración 6. Explorador do xestor de preferencias
Diálogos. Nesta lapela configúrase unha serie de axustes que se realizarán por
defecto cando no xestor se produciren determinadas accións.
Manual para editores de la UDC
Universidade da Coruña, 2011 Páxina 18 de 96
Ilustración 7. Diálogos do xestor de preferencias
Editores. Destaca a opción Ficheiro de texto (por defecto toma o valor «Mellor
dispoñible»), que permite desactivarmos o editor das JSP, xa que dependendo do
navegador que se use para accedermos ao contorno de traballo o devandito editor
podería visualizar incorrectamente o código fonte.
Ilustración 8. Editores do xestor de preferencias
Galleries (galerías). Permite seleccionarmos a localización por defecto dunha serie
de galerías como a de imaxes, a de descargas etc.
Manual para editores de la UDC
Universidade da Coruña, 2011 Páxina 19 de 96
Ilustración 9. Galleries (galerías) do xestor de preferencias
Datos do usuario. Presenta os datos do usuario e permite cambiar o seu contrasinal
de acceso.
3.2.7. Saír
Ao premermos este botón finalízase a sesión do usuario e amósase o cadro de diálogo de
acceso.
3.2.8. Axuda
Esta opción non está accesible cando a lingua elixida é o español. Amosa información útil
nun novo cadro de diálogo.
3.3. Explorador
A vista Explorador amosa os recursos (directorios, ficheiros HTML, ficheiros JSP etc.) do VFS.
O OpenCms almacena os contidos no VFS e os editores usan o explorador para crearen ou
manteren os contidos.
Visualmente é moi parecido a un explorador de Windows.
Manual para editores de la UDC
Universidade da Coruña, 2011 Páxina 20 de 96
Ilustración 10. Vista Explorador
Na parte esquerda da pantalla amósase a árbore cos directorios contidos no VFS, que toma
como ruta base a do sitio seleccionado na listaxe despregable da barra de ferramentas.
Na parte dereita preséntanse os recursos contidos no directorio seleccionado na árbore.
Para cada contido aparecen os datos que se configuraron na lapela Explorador do xestor de
preferencias.
Cada recurso ten á súa esquerda tres iconas que dan información sobre o tipo de recurso,
o estado de bloqueo e o estado de publicación.
Ilustración 11. Estado dun recurso
Os datos do recurso e formato do texto do nome tamén proporcionan información útil:
Negro: por defecto.
Gris: trátase dun contido que pertence a un proxecto distinto do seleccionado na
barra de ferramentas.
Azul: o recurso non se publicou nunca (creado, mais sen publicar).
Vermello: o recurso ten modificacións pendentes de publicar.
Riscado (riscado): cando o recurso foi borrado e está pendente de publicar.
En cursiva: cando o contido está fóra do seu intervalo de datas de dispoñibilidade.
Manual para editores de la UDC
Universidade da Coruña, 2011 Páxina 21 de 96
3.3.1. Tipo de recurso
Carpeta . Directorio normal para almacenarmos contidos. Pode ter unha serie de
propiedades que serán comúns aos recursos que contén, que faciliten a creación de
menús etc.
Galerías. Directorios pensados para albergarmos contidos dun tipo determinado.
Teñen a vantaxe de seren doadamente localizables para un redactor de contidos
cando traballa co editor de HTML, xa que este presenta accesos directos ás galerías
existentes. Poden ser dos seguintes tipos:
o Galería de imaxes : para almacenar imaxes.
o Galería de descarga : para ficheiros binarios xenéricos.
o Galería de ligazóns externas : directorio de ligazóns a outros sitios web.
o Galería HTML : para fragmentos de HTML estáticos.
o Galería de táboas : para táboas de HTML estáticas.
JSP . JSP para o proceso de presentación dos contidos (véxanse os modelos).
Irmán. Recurso que comparte o contido con outro (de que é irmán), mais non as
propiedades. Así, se modificarmos o contido dun dos irmáns, modifícase o de todos.
Represéntase cunha frecha pequena engadida á icona base na parte inferior esquerda.
Por exemplo, un irmán dunha JSP tería a icona .
Contidos estruturados creados para a UDC. Para cada contido estruturado que se
define, pode especificarse unha icona propia para representalo.
Contidos estruturados propios do OpenCms. Son contidos que xa trae creados o
OpenCms (páxinas con texto libre, ligazóns externas etc.). Non deberiamos utilizalos
porque tanto o deseño como a estrutura do web están pensados para os contidos
propios.
3.3.2. Estado de bloqueo
Cada recurso presenta un estado de bloqueo indicado pola icona correspondente (un cadeado
que se amosa á esquerda do nome do recurso). Ao pórmos o cursor sobre esta icona aparece
unha axuda que especifica o usuario que bloqueou o recurso e en que proxecto. Os posibles
estados son estes:
Sen icona: indica que non hai ningún bloqueo sobre o recurso.
: bloqueado polo usuario actual.
Manual para editores de la UDC
Universidade da Coruña, 2011 Páxina 22 de 96
: bloqueado por outro usuario ou polo mesmo usuario, mais noutro proxecto.
: o recurso ten un irmán bloqueado polo usuario actual.
3.3.3. Estado de publicación
Da mesma forma que unha icona indica o estado de bloqueo, hai outra que sinala o de
publicación (unha bandeira que aparece á esquerda do nome do recurso). Ao pórmos o cursor
sobre esta icona amósase unha axuda que especifica a que proxecto pertence o recurso.
Os posibles estados son os seguintes:
Sen icona: indica que o recurso non ten modificacións pendentes de publicar.
: o recurso está pendente de publicar e pertence ao proxecto actual.
: o recurso está pendente de publicar e non pertence ao proxecto actual.
3.3.4. Barra de ferramentas do Explorador
Ilustración 12. Barra de ferramentas do Explorador
Volver . Este botón permite volvermos ao anterior directorio seleccionado.
Subida . Este botón permite subirmos un ficheiro do sistema de ficheiros local ao
directorio seleccionado do VFS.
Busca . Este botón permite facermos buscas no contido publicado do directorio
/sites/. Para isto usa o índice de busca Online project EN (VFS) que existe por
defecto.
Novo . Este botón permite crearmos un novo recurso no directorio seleccionado e
pertencente ao proxecto seleccionado. Presenta unha listaxe de opcións en que
podemos ver os tipos de recurso.
Nivel superior . Este botón permite irmos ao directorio pai do seleccionado.
Ruta. Esta entrada amosa a ruta do directorio actual relativa ao sitio seleccionado.
Alén disto, permite editarmos o seu valor (sempre debe terminar en «/»).
Páxina. Cando o número de recursos que contén o directorio seleccionado supera o
máximo establecido (cincuenta por defecto, mais isto pode cambiarse nas
preferencias do usuario), daquela os recursos preséntanse en varias páxinas que se
amosan nesta listaxe despregable.
Manual para editores de la UDC
Universidade da Coruña, 2011 Páxina 23 de 96
3.3.5. Menú contextual
Un menú contextual é unha listaxe de opcións que aparece ao premermos o botón dereito
sobre un dos recursos que se amosan na parte dereita do Explorador.
Ilustración 13. Menú contextual
As opcións que presenta dependen do elemento e poden ser estas:
Bloquear. Establécese un bloqueo sobre os recursos seleccionados por parte do
usuario no proxecto actual. Se o bloqueo se realiza nunha carpeta, é herdado polos
recursos de contidos.
Desbloquear. Quita o bloqueo existente sobre os recursos seleccionados. Un bloqueo
herdado só pode quitarse desbloqueando o pai sobre o cal se impuxo o bloqueo.
Borrar o bloqueo. Rouba o bloqueo establecido sobre o recurso por outro usuario ou
noutro proxecto, de xeito que este recurso pasa a estar bloqueado polo usuario actual
no proxecto actual. Cómpre termos coidado con esta acción, porque o outro usuario
podería estar a editar o recurso e perdería os cambios.
Locked resources (recursos bloqueados). Amosa unha listaxe cos bloqueos impostos
por outros usuarios sobre os recursos seleccionados e os contidos nestes.
Para incluírmos na listaxe os bloqueos impostos polo usuario actual debe premerse a
opción Own locks (bloqueos propios) da listaxe.
Editar. Permite a edición dun contido estruturado.
Manual para editores de la UDC
Universidade da Coruña, 2011 Páxina 24 de 96
Publicar directamente. Publica os recursos seleccionados que estiveren pendentes de
se publicar.
Copiar. Permite crearmos copias ou irmáns dos recursos seleccionados.
o De se seleccionar un único recurso, preséntanse estas opcións:
Crear un irmán do recurso. Non realiza unha copia, senón que crea un
irmán (trátase dun recurso igual que o anterior: calquera cambio
realizado nun dos irmáns, afecta tamén aos outros).
Copiar o ficheiro como un novo recurso: realiza unha copia do recurso.
o De se seleccionaren varios recursos ou unha carpeta, as opcións que se
presentan son estas:
Non copiar os recursos, só crear irmáns de todos os recursos que poden
copiarse. Non realiza copia de ningún recurso, senón que crea un irmán
por cada recurso.
Copiar os recursos que non son irmáns, crear un novo irmán para
recursos que son irmáns. Realiza unha copia de cada recurso que non
ten irmáns e crea un irmán máis para cada recurso que xa os ten.
Copiar todos os recursos, incluídos irmáns. Realiza unha copia de cada
recurso, independentemente de este ter ou non irmáns.
Copiar ao proxecto. Permite engadirmos un recurso doutro proxecto á listaxe de
recursos do proxecto actual.
Renomear/mover. Permite cambiarmos o nome do recurso seleccionado e/ou movelo
a outra carpeta.
Mover. Permite movermos os recursos seleccionados a outra carpeta.
Borrar. Permite borrarmos os recursos seleccionados.
Recuperar. Permite recuperarmos un recurso borrado antes da súa publicación.
Desfacer os cambios. Permite desfacermos todos os cambios que se introduciron nos
recursos seleccionados desde a última publicación. Se os recursos non foron
publicados, esta opción non está dispoñible.
Relacións. Permite vermos os diferentes tipos de relacións existentes entre recursos.
o Enlazar relación cara a. Presenta a listaxe de recursos que teñen unha ligazón
que apunta ao recurso seleccionado.
o Enlazar relación desde. Presenta a listaxe de recursos que están apuntados
por ligazóns do recurso seleccionado.
o Amosar os irmáns. Presenta unha listaxe cos irmáns do recurso.
Manual para editores de la UDC
Universidade da Coruña, 2011 Páxina 25 de 96
o Asignar categorías. Permite asignarmos categorías definidas ao recurso
seleccionado. No web da UDC non se empregan as categorías
Permisos. Amosa unha páxina cos permisos que teñen os usuarios ou grupos sobre o
recurso seleccionado, e permite agregarmos máis permisos á listaxe (véxanse os
permisos).
Avanzadas:
o Editar o código fonte. Igual que Editar.
o Marcar. Permite cambiarmos a data de modificación do arquivo. É útil,
por exemplo, para forzarmos a súa posterior publicación.
o Dispoñibilidade. Permite modificarmos as datas de lanzamento e expiración
dun contido para axustarmos a súa visibilidade no web (véxase a
dispoñibilidade).
o Seguro/exportación. Permite marcarmos se o recurso seleccionado se exporta
ou non ao sistema de ficheiros real. No caso das carpetas permite, alén disto,
definirmos o nome con que se exportan.
o Cambiar o tipo. Permite cambiarmos o tipo de recurso do recurso
seleccionado. Cómpre termos coidado con estes cambios, xa que poderían
perderse datos.
o Editar o código de control. Permite editarmos o código de control do recurso
seleccionado. O código de control é a fonte XML propia do OpenCms que
realmente almacena o contido do recurso.
o Restaurar borrado. Permite recuperarmos os recursos borrados da carpeta
seleccionada.
Historial. Amosa unha listaxe coas versións publicadas do recurso seleccionado.
Permite compararmos distintas versións do recurso e recuperarmos unha versión
anterior.
Propiedades. Permite editarmos as propiedades asociadas ao recurso seleccionado.
Máis adiante falarase dalgunhas delas que son importantes.
3.3.6. Dispoñibilidade
Todos os recursos do VFS teñen asociado un intervalo de datas que marca o período en que
están dispoñibles no web, de forma que se a data actual non está nese intervalo o recurso
non está dispoñible. Por defecto, este intervalo non está definido, polo que os recursos están
dispoñibles.
Manual para editores de la UDC
Universidade da Coruña, 2011 Páxina 26 de 96
A definición do intervalo de dispoñibilidade pode facerse a través do menú contextual
asociado ao recurso en cuestión, na opción Dispoñibilidade dentro de Avanzadas.
Ilustración 14. Dispoñibilidade dun recurso
Aparece o seguinte recadro:
Ilustración 15. Parámetros de dispoñibilidade
A entrada Data de lanzamento marca o inicio do intervalo de dispoñibilidade do recurso.
A entrada Data de expiración marca a fin do seu intervalo de dispoñibilidade. Os cadros de
debaixo permiten borrar as datas correspondentes.
Ao premer sobre o botón aparece un calendario que posibilita seleccionarmos a data e
ofrece ademais a vantaxe de introducila no formato correcto.
Nas páxinas da UDC a dispoñibilidade márcase desde a edición do contido establecendo as
datas de inicio e fin de publicación.
Manual para editores de la UDC
Universidade da Coruña, 2011 Páxina 27 de 96
3.4. Administración
A vista Administración contén as opcións de administración dispoñibles. A columna da
esquerda amosa un menú con estas opcións. O marco da dereita presenta as páxinas de
administración asociadas á opción seleccionada. As opcións que van aparecer dependerán dos
privilexios do usuario.
Ilustración 16. Vista Administración para editores
3.4.1. Menú
Aparece na columna da esquerda e consta de varias zonas claramente diferenciadas segundo
os módulos instalados no OpenCms e os permisos que tiver o usuario. Visualiza os mesmos
contidos que a pantalla principal da vista Administración.
Axuda. Amosa o texto de axuda correspondente ao elemento que se está a sinalar co
rato.
Administración. As funcionalidades que se amosan neste menú dependen do perfil
que tiver o usuario. No caso dos usuarios editores as opcións que se ven son estas:
Vista xeral do proxecto, Publicar cola, Validación de ligazóns e Galerías. A primeira
non funciona por un fallo do OpenCms e amosará unha mensaxe de erro cando se
intente acceder, así que a continuación explicarase para que serve cada unha das tres
opcións restantes.
Formularios. Relativo ao módulo de formularios deseñado para o web da UDC, de que
tamén se falará máis tarde.
Manual para editores de la UDC
Universidade da Coruña, 2011 Páxina 28 de 96
Alkacon OCEE. Con todas as opcións de configuración do módulo de extensións
comerciais para o OpenCms (OCEE) de Alkacon que contén o clúster e o protocolo de
acceso lixeiro a directorios (LDAP). Aparece porque é un módulo instalado nos
servidores, mais os editores non teñen ningunha opción activa nesta parte.
3.4.2. Opcións de administración
3.4.2.1. Publicar cola
Esta opción permite vermos a cola de publicación. Tamén se accede a ela desde a vista
Explorador
3.4.2.2. Validación de ligazóns
Permite validarmos as ligazóns tanto internas como externas dos contidos. As opcións
dispoñibles son as seguintes:
Validación de ligazóns internas. Para validarmos aquelas ligazóns cuxa URL está
dentro do noso servidor. Como resultado final do proceso amosarase unha listaxe das
ligazóns que se validaron que reflicte os posibles problemas detectados con algunha
delas.
Ilustración 16. Cadro de validación de ligazóns internas
Validación de ligazóns externas. Esta opción permite validarmos as ligazóns cuxa
URL está fóra do noso servidor. Poderá realizarse unha nova validación ou unha
consulta do resultado da última validación.
É importante sabermos que cando se efectúa unha publicación, o OpenCms valida as ligazóns
internas, mais non fai o mesmo coas externas, polo que é unha boa idea realizarmos a
verificación manualmente desde esta opción.
Manual para editores de la UDC
Universidade da Coruña, 2011 Páxina 29 de 96
3.4.3. Galerías
Con esta ferramenta accédese a unha listaxe dos distintos tipos de galerías existentes.
Ilustración 17. Galerías
Ao accedermos a un dos tipos de galerías, aparece unha listaxe de todas as galerías dese tipo
a que ten acceso o usuario.
Ilustración 18. Listaxe de galerías de imaxes
Manual para editores de la UDC
Universidade da Coruña, 2011 Páxina 30 de 96
3.4.4. Formularios
É unha ferramenta para a administración dos formularios que existen no web e de que se
falará polo miúdo máis adiante.
Ilustración 19. Acceso á administración de formularios
3.5. Conceptos do web da UDC
3.5.1. Bolsa
Como o seu nome indica, este vai ser o contido que permita almacenarmos os datos relativos
ás bolsas que se publican no web da UDC. Até este momento, os diferentes datos relativos a
unha mesma bolsa tratábanse de forma independente e sen ningún tipo de relación.
A partir de agora, un único tipo de contido englobará todos os datos, isto é: a convocatoria,
as listaxes provisionais de persoas admitidas e excluídas, as listaxes definitivas de persoas
admitidas e excluídas, as resolucións e as notificacións. A información de cada bloque estará
nunha lapela do formulario de creación da bolsa.
Desde a sección Admisión e bolsas da páxina principal, ao premermos a opción Axudas poderá
accederse ás listaxes de informacións relativas ás bolsas propias da UDC.
Para alén, na sección Actualidade da páxina principal amosaranse os títulos das catro
publicacións de bolsas máis recentes no tempo. Estas publicacións poderán referirse a
convocatorias, listaxes provisionais, listaxes definitivas, notificacións ou resolucións.
Manual para editores de la UDC
Universidade da Coruña, 2011 Páxina 31 de 96
3.5.2. Evento
Preténdese fomentar o uso da Axenda (que até agora non se estaba a usar demasiado) para
amosarmos eventos, é dicir, actos que terán lugar na UDC ou que teñen a ver con ela.
Poderán ser de tipo académico, cultural, institucional, deportivo, actividades, cursos e
xornadas.
O tratamento da información de todos os eventos realízase da mesma forma, mais os cursos
serán tratados de xeito independente, xa que teñen unha especial importancia.
Na sección Actualidade da páxina principal hai tres partes diferenciadas que presentan
información sobre os eventos.
Debaixo do título aparecerán os seis eventos (que non foren do tipo cursos) cuxa data
de publicación estiver máis próxima no tempo.
Na epígrafe Cursos aparece a mesma información, mais relativa aos catro cursos máis
recentemente publicados.
Para cada evento poden indicarse até cinco publicacións na Axenda, que se verán na
parte dereita da pantalla. Concretamente, preséntase unha listaxe das publicacións
na Axenda para o día actual, coa restrición de que sempre aparecerán cando menos
tres. En caso de non existiren tres publicacións para o día en curso, aparecerán as do
día seguinte, e así sucesivamente até completar ese mínimo de tres.
A diferenza radica, xa que logo, en que a sección Actualidade amosa eventos pasados,
é dicir, os últimos cursos, eventos deportivos, eventos institucionais etc. que se publicaron
no web. E, pola contra, a Axenda amosa as publicacións que se queren salientar de cara ao
futuro (o inicio dun prazo de inscrición, o inicio dun curso etc.).
Dentro do menú Axenda, hai un submenú para cada tipo de evento que pode crearse no web.
Cada un deles amosa as publicacións na Axenda dos eventos dese tipo. É, por tanto,
información de cara ao futuro sen ningún tipo de restrición no número de días ou no número
de publicacións que se presentan.
Ademais, como xa se dixo anteriormente, os cursos teñen unha especial importancia, e hai
varios lugares no web (Formación do PAS, Formación do PDI e Cursos do estudantado) que
amosan os eventos deste tipo.
Manual para editores de la UDC
Universidade da Coruña, 2011 Páxina 32 de 96
3.5.3. Persoal
Este contido serve para almacenar a información relativa ás contratacións de persoal da UDC
(tanto para o PAS como para o PDI). Preténdese o mesmo que coas bolsas, é dicir, que toda a
información relacionada cun determinado concurso se almacene no mesmo lugar.
A información destes contidos divídese en convocatorias, listaxes provisionais de persoas
admitidas, listaxes definitivas de persoas excluídas, resolucións e notificacións.
Na sección Persoal da páxina principal aparecen as catro informacións do tipo persoal cuxa
publicación é máis recente no tempo. Ao premermos a opción Máis novas de persoal,
aparecerá unha listaxe con todos os contidos deste tipo, tanto do PAS como do PDI.
No menú Servizos hai un submenú para cada colectivo de traballadores da UDC (PAS e PDI).
Cada un destes submenús ten unha opción Convocatorias ou Concursos en que pode verse a
información relativa a este tipo de contidos.
Para o PDI poderán verse as listaxes de concursos de acceso aos corpos de funcionarios
docentes universitarios e os concursos para a contratación de PDI, mentres que para o PAS
haberá listaxes de contratacións temporais, de probas selectivas e de concursos.
3.5.4. Novas de comunicación e prensa
Na páxina principal, á dereita da sección Actualidade, aparecen as tres novas de
comunicación e prensa do tipo notas de prensa máis recentes, mais cunha salvidade indicada
polo campo de prioridade. Se hai máis de tres novas deste tipo para o mesmo día,
non aparecerán tres ao azar, nin as tres primeiras, senón que se amosarán aquelas que
tiveren un valor de prioridade máis elevado.
Na sección Comunicación da Vicerreitoría de Cultura e Comunicación, hai unha epígrafe
(Novas) que se encarga de amosar listaxes das novas clasificadas por tipos.
3.5.5. Campañas
Trátase de actividades que teñen a ver coa UDC e queren salientarse na páxina principal.
Cada campaña terá asociada unha imaxe que aparece na parte central da páxina principal,
un título e unhas ligazóns que poderán ser a páxinas externas, a páxinas do propio web ou ao
que se coñece como páxinas de contidos especiais.
As campañas aparecen na páxina principal de dúas formas:
Manual para editores de la UDC
Universidade da Coruña, 2011 Páxina 33 de 96
Para navegadores coa linguaxe JavaScript activada veranse até cinco campañas en
movemento. Por razóns de accesibilidade, aparecerá un botón que detén o
movemento e unha paxinación que permite ir a unha campaña en concreto (e para
tamén o movemento).
Para navegadores coa linguaxe JavaScript desactivada amosaranse até cinco
campañas cunha paxinación que permite acceder a cada unha delas.
3.6. Conceptos do xestor
3.6.1. Modelos
A cada páxina do web cómpre asignarlle un modelo que indicará os elementos que a
compoñen, así como a distribución destes. O que vai empregarse indícase na propiedade
Template (modelo) de cada elemento.
Trátase dun compoñente que pode ser común a varias páxinas que presentan información
moi diferente, mais que teñen elementos comúns. Por exemplo, un dos modelos é o que
figura na parte superior (común a todas as páxinas), o menú á esquerda e o pé de páxina.
E outro sería o que amosa esa mesma información, mais sen o menú.
De non se sinalar nada para un contido nesta propiedade, o OpenCms navegará de forma
automática polas carpetas que o conteñen até encontrar unha que a tiver indicada.
Se ningunha das carpetas ten un valor para esta propiedade, o contido non se verá
correctamente.
3.6.2. Páxinas de detalle
Ao igual que sucedía cos modelos, cada páxina do web terá asociada unha páxina de detalle
que indica os elementos adicionais que a compoñen e a forma de amosalos. A páxina de
detalle sinálase na propiedade Template-Elements (elementos do modelo) do contido.
Trátase dun compoñente que se encarga de amosar a información propia da páxina.
Un exemplo de páxina de detalle sería a que presenta unha listaxe de novas, un expediente
de contratación administrativa, unha listaxe de centros etc. Por tanto, todas as páxinas que
contiveren información similar utilizarán a mesma páxina de detalle (por exemplo, todas as
novas empregan udc_pg_noticia.jsp).
Manual para editores de la UDC
Universidade da Coruña, 2011 Páxina 34 de 96
Se para un contido non se indica nada nesta propiedade, o OpenCms navegará de forma
automática polas carpetas que o conteñen até encontrar unha que a tiver indicada.
Se ningunha das carpetas ten un valor marcado para esta propiedade, ao intentar cargarmos
un contido producirase un erro.
Manual para editores de la UDC
Universidade da Coruña, 2011 Páxina 35 de 96
4. Subida de documentos e imaxes
Cando nunha páxina quere pórse unha ligazón a un ficheiro ou inserirse unha imaxe,
o documento ou a imaxe deben ser subidos previamente ao xestor.
Hai dúas carpetas no xestor relacionadas con estas subidas, que son as seguintes:
_galeria_down: dentro desta carpeta hai unha réplica máis ou menos exacta da
estrutura do web, en que se almacenan os ficheiros de descargas que se referencian
nas distintas páxinas deste.
_galeria_imgs: nesta carpeta hai unha réplica máis ou menos exacta da estrutura do
web, en que se almacenan as imaxes que se ven nas súas distintas páxinas.
O proceso que cómpre seguirmos para subir un ficheiro (tanto un documento de descarga
como unha imaxe) a algunha das carpetas anteriores é este:
Navégase polas carpetas até se situar na carpeta en que quere incluírse o ficheiro.
Prémese o botón na barra de ferramentas.
Logo de premer o botón Examinar escóllese un ficheiro do equipo en que se está a
traballar e prémese Continuar.
Ilustración 20. Cadro de selección do ficheiro para subir
En ocasións queren subirse moitos ficheiros á vez. Para evitar ter que subilos un a un,
pode xerarse un arquivo coa extensión .ZIP que os contiver todos. Neste caso, selecciónase o
arquivo .ZIP e márcase a opción Descomprimir o ficheiro. O xestor descomprime
automaticamente o arquivo e sobe cada un dos ficheiros individuais que o compoñen.
No seguinte cadro cámbiase o nome do ficheiro (no caso de querer modificalo),
selecciónase o tipo do ficheiro que se vai subir e prémese Continuar. O xestor adoita
detectar de forma automática o tipo do documento que se vai subir.
No último cadro poden indicarse valores para as propiedades do ficheiro que se vai
subir. Neste caso é IMPORTANTE o texto que se indica na propiedade Title (título)
porque é o que van usar os buscadores para atoparen e amosaren resultados.
Manual para editores de la UDC
Universidade da Coruña, 2011 Páxina 36 de 96
Hai que ter en conta que todos os ficheiros que se subiren ao xestor e todos os
contidos que se crearen teñen que ser publicados para a súa visualización no web.
É importante que un ficheiro ou unha imaxe se publique antes de publicarmos o
contido que os referencia. Para isto prémese co botón dereito sobre o recurso
(ou sobre algunha das carpetas que o contén) e selecciónase a opción Publicar.
Manual para editores de la UDC
Universidade da Coruña, 2011 Páxina 37 de 96
4.1. Tamaño de imaxes a subir.
4.1.1. Páxina principal
Páxina principal Ancho
(en píxeles)
Alto
(en pixeles)
1.- Imaxe Campaña 666 396
2.- Imaxe Noticia Comunicación e Prensa na páxina principal 266 96
4.1.2. Páxina de noticias de comunicación e prensa
Páxina Noticia de comunicación y prensa Ancho
(en pixeles)
Alto
(en pixeles)
1.- Imaxe Noticia Comunicación e prensa na páxina de detalle 310 Axústase automaticamente
2.- Imaxe Noticia Comunicación e Prensa na páxina principal 266 96
Manual para editores de la UDC
Universidade da Coruña, 2011 Páxina 38 de 96
4.1.3. Páxina institucional
Páxina Institucional Ancho
(en pixeles)
Alto
(en pixeles)
1.- Imaxe da páxina institucional 310 112
Manual para editores de la UDC
Universidade da Coruña, 2011 Páxina 39 de 96
4.1.4. Páxinas de eventos, bolsas e persoal
Páxinas de eventos e bolsas Ancho
(en pixeles)
Alto
(en pixeles)
1.- imaxes de eventos, bolsas e persoal 310 Axústase automaticamente
Manual para editores de la UDC
Universidade da Coruña, 2011 Páxina 40 de 96
5. Menús de navegación
Todos os menús de navegación do web (agás os da páxina principal, que se constrúen doutro
xeito) foron creados a partir dos chamados textos de navegación. Os contidos que estiveren
engadidos á navegación sairán nas opcións de menú e os que non o estiveren non se verán
(por exemplo, a carpeta de documentos na Vicerreitoría de Cultura e Comunicación).
Para engadirmos un contido á navegación hai que acceder co botón dereito do rato á opción
Propiedades.
Ilustración 20. Propiedades dunha carpeta
Para cada tipo de contido diferente, variarán as propiedades que aparecen no cadro de
diálogo inicial, mais as cinco últimas son comúns a todos os tipos de contidos que se poden
querer engadir á navegación.
Agregar á navegación: ao marcarmos este cadro de verificación engádese o contido á
navegación e aparecerá nos menús.
Texto de navegación galego: texto que aparecerá nos menús para as navegacións en
galego.
Texto de navegación español: texto que aparecerá nos menús para as navegacións en
español.
Texto de navegación inglés: texto que aparecerá nos menús para as navegacións en
inglés.
Manual para editores de la UDC
Universidade da Coruña, 2011 Páxina 41 de 96
Insira despois de: é unha listaxe despregable con todos os recursos situados ao mesmo
nivel para indicar a posición en que se quere situar no menú a opción que se está a
engadir.
5.1. Aspectos que cómpre ter en conta
Hai unha serie de consideracións que cómpre termos en conta á hora de engadirmos textos á
navegación para que se amosen de forma correcta.
Para sermos coherentes coa forma en que está construído o web da UDC, para cada
nova opción de menú que se desexar haberá que crear unha carpeta que será a que se
engadirá á navegación e, dentro desta, crearase unha páxina co nome index.html
(porque así o require o OpenCms1). De maneira automática, o OpenCms cargará a
páxina que se creou no interior ao se premer a nova opción de menú.
Isto faise así porque só os textos de navegación son amosados nas migas de pan.
É dicir, se engadimos á navegación calquera contido que non for unha páxina, non se
verá nas migas de pan.
Cando unha carpeta se engada á navegación hai que ter en conta que a carpeta pai
tamén debería estar engadida á navegación. Isto é pola forma en que están
construídos os menús no web da UDC.
Os menús amosan os textos de navegación de todos os contidos que están á mesma
altura que a páxina que se está a amosar (se é que está engadida á navegación) e
como cabeceira o texto de navegación da carpeta pai.
Xa que logo, non ten sentido engadirmos á navegación un contido cuxa carpeta API
non o está, porque a visualización que se consiga non será a correcta.
1 Por defecto, cando se accede a unha opción de menú que é unha carpeta, o OpenCms busca nela un contido co
nome index.html. No caso de o contido da carpeta ter outro nome, haberá que indicalo na propiedade
Default-File da devandita carpeta. No caso contrario, amosarase unha páxina en branco sen ningún tipo de
formato (nin o logo da UDC, nin o pé de páxina, nin ningún outro elemento).
Manual para editores de la UDC
Universidade da Coruña, 2011 Páxina 42 de 96
6. Xestión de permisos
Mentres non se realizar ningunha xestión ao respecto, calquera usuario pode ver todas as
páxinas do web. Mais isto pode cambiarse restrinxindo tanto o acceso para a visita dunha
páxina desde o web (por exemplo, hai páxinas no web onde o acceso está restrinxido ao PAS,
o PDI e os estudantes, que teñen un nome de usuario e un contrasinal para accederen a ese
tipo de páxinas) como o acceso a determinadas carpetas para os usuarios do xestor
(por exemplo, a xente de cada sitio só terá acceso á carpeta deste no xestor).
Para establecermos este tipo de restricións de acceso, debe escollerse a opción Permisos do
menú contextual dun recurso. Os permisos que se poden asignar a un usuario ou a un grupo
deles son os seguintes:
Lectura: permite a lectura do recurso (o recurso pode verse desde o web).
Vista: permite vermos este recurso desde o contorno de traballo.
Publicación directa: permite a publicación do recurso.
Control: permite xestionarmos os permisos do recurso.
Escrita: permite escribirmos o recurso
Os estados posibles de cada permiso son:
Permitido: o permiso está concedido.
Denegado: o permiso está denegado.
Indefinido: o permiso non está explicitamente concedido nin denegado, e por defecto
actúa como un permiso denegado.
No caso de conflito entre as diferentes políticas de permisos aplicadas a un mesmo recurso
prevalece a máis restritiva. Así, por exemplo, se un usuario pertence a dous grupos e a un
deles se lle denega o permiso de lectura e ao outro grupo non, daquela o usuario non poderá
ler ese recurso aínda que nun dos grupos se lle permita explicitamente a lectura.
Cando se cambian os permisos dun recurso cómpre considerarmos dúas opcións para
establecermos como se quere que sexa a herdanza de permisos entre as carpetas.
Estas opcións son as seguintes:
Sobrescribir herdado. Se está marcado, indica que non hai que ter en conta os
permisos establecidos nas carpetas pai para ese usuario ou grupo de usuarios.
Manual para editores de la UDC
Universidade da Coruña, 2011 Páxina 43 de 96
Herdado de subcarpetas (só de tratarse dunha carpeta). Marcar esta opción indica que
o usuario ou o grupo de usuarios terán os mesmos permisos en todos os recursos
contidos na carpeta.
Outro punto que debe terse en conta é a existencia de dous grupos de usuarios especiais:
Overwrite all inherited (sobrescribir todos os herdados). Fai que ningún dos permisos
definidos nas carpetas pai sexa herdado polo recurso. O seu obxectivo é simplificar a
xestión dos permisos e habitualmente úsase en combinación co grupo All others
(todos os demais).
All others (todos os demais). Serve para asignar os permisos que se quere que teñan
todos aqueles grupos ou usuarios para os que non existe ningunha política de permisos
fixada no recurso. Así, por exemplo, se se quere que un grupo A de usuarios teña
acceso a un recurso e o resto de grupos e usuarios non, abonda con lle asignarmos ao
grupo A os permisos para que teña acceso e denegármosllos ao grupo All others para
evitar o acceso do resto de grupos e usuarios.
6.1. Establecer os permisos
É necesario que os usuarios ou grupos de usuarios a que se lles vai dar ou quitar o acceso
fosen previamente creados desde o menú de xestión de usuarios e grupos da vista
Administración. Un usuario editor non adoita ter permisos para facer este tipo de xestións.
Para establecermos permisos de acceso a unha páxina hai que premer co botón dereito sobre
o recurso ao cal se quere limitar o acceso e seleccionar a opción Permisos. Na seguinte imaxe
pode verse o cadro de edición de permisos a que se accede.
Manual para editores de la UDC
Universidade da Coruña, 2011 Páxina 44 de 96
Ilustración 21. Cadro de xestión de permisos
No seguinte fragmento do cadro, vemos o que permite ir engadindo permisos a usuarios ou a
grupos deles.
Na listaxe despregable indícase se os permisos que poden engadirse se refiren a
un usuario ou a un grupo de usuarios.
A icona cunha persoa abre un novo cadro que permite seleccionarmos entre os usuarios
existentes (se na listaxe se seleccionou a opción Usuario) ou entre os grupos de usuarios
(de se escoller a opción Grupo).
Manual para editores de la UDC
Universidade da Coruña, 2011 Páxina 45 de 96
Ilustración 22. Cadro de selección de grupos de usuarios
Ao premermos o botón co símbolo máis engádese un novo fragmento ao cadro para
permitir ou denegar accesos ao recurso para o usuario ou o grupo de usuarios seleccionados.
Manual para editores de la UDC
Universidade da Coruña, 2011 Páxina 46 de 96
Ilustración 23. Xestión de accesos para o grupo de usuarios col.pas
Habería que repetir o proceso para todos os grupos de usuarios implicados no acceso ao
recurso, tendo en conta que poden usarse os grupos comodín Overwrite all inherited
(sobrescribir todos os herdados) e All others (todos os demais).
Ao accedermos a un recurso con acceso limitado desde o web, aparecerá un cadro de diálogo
para indicar o nome de usuario e o contrasinal, que será diferente segundo o navegador que
se estiver a empregar. O que amosa o Google Chrome é o seguinte:
Ilustración 24. Cadro de diálogo de inicio de sesión no Google Chrome
Manual para editores de la UDC
Universidade da Coruña, 2011 Páxina 47 de 96
6.2. Aspectos que cómpre ter en conta
Á hora de levarmos a cabo a xestión de permisos hai que ter en conta unha serie de puntos
importantes.
Os usuarios administradores teñen acceso total a todos os recursos do web tanto
desde o interior do xestor como desde fóra.
Non é suficiente realizarmos unha xestión de permisos das páxinas que van verse no
web, senón que cómpre repetirmos o proceso con todos os documentos a que se
acceda desde cada páxina. Aínda que a un documento só se acceda desde unha
páxina, alguén podería conseguir a URL, e se o ficheiro ou a carpeta que o contén non
ten restrinxidos os accesos podería verse libremente desde o web.
Para simplificarmos esta xestión, nas galerías de descargas de moitas das seccións do
web incluíuse unha carpeta da intranet a que só poden acceder o PAS, o PDI e o
estudantado. Xa que logo, calquera ficheiro que se puxer nesa carpeta será de acceso
restrinxido.
Como vimos anteriormente, os menús do web son carpetas engadidas á navegación.
Se a xestión de permisos a facemos á carpeta, a opción de menú sería inaccesible
desde o web a menos que o usuario xa iniciase a sesión. Por ese motivo, o idóneo é
xestionarmos os permisos na páxina index.html. Desta forma, todos os usuarios verán
a opción de menú e, ao premeren para acceder, só os usuarios permitidos poderán ver
o contido ao introduciren o nome de usuario e o contrasinal.
Manual para editores de la UDC
Universidade da Coruña, 2011 Páxina 48 de 96
7. Creación de contidos
O proceso de creación dos contidos consta de tres pasos fundamentais que se explicarán por
separado e que son:
crear o contido;
cubrir os datos que se amosarán co contido;
e indicar a forma de visualización.
7.1. Crear o contido
Para a creación de calquera contido, sexa do tipo que for, hai que seguir os mesmos pasos:
Navégase polas carpetas até se situar naquela en que se quere crear o novo contido.
Prémese o botón da barra de ferramentas.
O primeiro cadro amosa unha serie de contidos básicos. Selecciónase un deles ou
prémese o botón Avanzado para ver o resto.
Ilustración 25. Cadro de creación de novo contido
No seguinte cadro, despois de premer o botón Avanzado, aparece unha listaxe
xenérica de contidos en que as opcións que poden seleccionarse son: Contidos
estruturados da Universidade da Coruña, Carpeta ou Carpeta estendida. O resto dos
contidos non deberían utilizarse porque poderían provocar unha incorrecta
visualización ao non estaren considerados para o web da UDC.
Manual para editores de la UDC
Universidade da Coruña, 2011 Páxina 49 de 96
Ilustración 26. Selección do contido para crear
As carpetas estendidas permiten crear galerías de descargas, galerías de imaxes etc.
É dicir, carpetas que conterán un tipo de contido específico: ficheiros de descargas,
imaxes etc.
Neste tipo de carpetas é moi importante cubrirmos a propiedade Title (título),
porque ese será o nome que amose cando nun contido queira pórse unha ligazón a un
ficheiro e se acceda ás galerías de descargas, queira incluírse unha imaxe e se acceda
a todas as galerías de imaxes etc.
Ilustración 27. Tipos de carpetas estendidas
Os Contidos estruturados da Universidade da Coruña son os tipos de contidos que
foron creados especificamente para o web da UDC. Posteriormente analizaranse un a
un.
No seguinte cadro indícase o nome que terá o contido e prémese Continuar para
accedermos ao que permite cubrirmos os datos deste. É o mesmo cadro a que se
accede premendo co botón dereito sobre algún dos recursos e seleccionando a opción
Editar.
Manual para editores de la UDC
Universidade da Coruña, 2011 Páxina 50 de 96
Ilustración 28. Cadro de inserción do título do novo contido
7.2. Indicar a forma de visualización
Para os diferentes contidos do web, alén de creármolos e cubrirmos os datos que van amosar
(para os casos en que for necesario), tamén hai que indicar a forma en que se verá a páxina,
tanto os seus compoñentes xenéricos (modelo) como a propia información (páxina de
detalle).
7.2.1. Templates
Os valores posibles para o modelo (propiedade Template, modelo) dos contidos son os que
aparecen a seguir:
/system/modules/es.udc.portal/templates/udc_tmpl_dentro.jsp. Nas páxinas en que
se utilice este modelo veranse o logo, o buscador, as migas de pan e as ligazóns aos
idiomas na parte superior da pantalla. Haberá un pé de páxina ao final e un menú na
parte esquerda. É o valor por defecto de todos os contidos para os que non se indica
ningún valor na propiedade Template (modelo).
/system/modules/es.udc.portal/templates/udc_tmpl_basica.jsp. Este modelo é igual
que o anterior, coa excepción de que non amosa ningún menú na parte esquerda da
páxina. Emprégano, por exemplo, o mapa do web, o aviso legal etc.
/system/modules/es.udc.portal/templates/udc_tmpl_dentro_ow.jsp. Se o contido
que se está a crear non forma parte do web da UDC, senón que se corresponde cunha
páxina dalgún sitio (AFI, CUFIE, Biblioteca, SEINFE etc.), este será o modelo que se
utilizará en lugar de /system/modules/es.udc.portal/templates/udc_tmpl_
dentro.jsp. A diferenza radica na forma interna que hai para construír o menú.
/system/modules/es.udc.portal/templates/udc_tmpl_dentro_secciones.jsp. Cando a
páxina vai presentar datos procedentes do Xescampus, os menús xéranse
dinamicamente e, xa que logo, de forma diferente ao resto das páxinas. O título que
Manual para editores de la UDC
Universidade da Coruña, 2011 Páxina 51 de 96
aparecerá no navegador tamén se xera de forma dinámica e, por tanto, tamén de
forma diferente. Por esa razón se utiliza este modelo.
system/modules/es.udc.portal/templates/udc_tmpl_contido_especial.jsp. Só se usa
este modelo para os contidos de fondo rosa que deben ser creados na carpeta
/contidos_especiais/ e que serán enlazados desde as campañas da páxina principal.
7.2.2. Páxinas de detalle
Ao lle indicar o modelo, o xestor xa sabe como construír o contedor da información.
No entanto, tamén cómpre indicarmos como amosar a propia información
(Template-Elements, elementos do modelo). Nalgúns casos, o valor desta propiedade serve
para sinalar a propia información que se vai amosar.
A medida que se analice cada tipo de contido existente, irán véndose os posibles valores para
esta propiedade. Isto é porque, ao contrario do que ocorría cos modelos que eran comúns a
todas as páxinas, as páxinas de detalle que van empregarse dependerán do tipo de contido
de que se tratar.
7.3. Cubrir os datos que se van amosar
O cadro de edición é igual para todos os tipos de contidos. Na parte superior hai unha barra
de ferramentas e na parte central a zona de introdución de datos, que cambiará segundo o
tipo de contido que se estiver creando.
Ilustración 30. Opcións de edición
Publicación directa . Serve para gardarmos os cambios e publicarmos
directamente o contido que se está a modificar. Non é aconsellable usarmos esta
opción porque os cambios deberían verse previamente antes de publicalos e que
sexan visibles no web real.
Gardar e saír . Úsase para gardarmos os cambios e saírmos do cadro de edición do
contido.
Gardar . Permite gardarmos os cambios, mais sen saírmos do cadro de edición.
Manual para editores de la UDC
Universidade da Coruña, 2011 Páxina 52 de 96
Idiomas do contido . Nesta listaxe despregable pode escollerse entre os
distintos idiomas de visualización do web para cubrirmos os datos para cada idioma
(galego, español e inglés).
É IMPORTANTE termos en conta que o idioma por defecto do web é o galego.
Cando se pide unha páxina, mírase o idioma en que se está a navegar e compróbase
se se cubriron os datos para o contido nese idioma. Se é así, os datos preséntanse
nese idioma. No caso contrario, os datos que se amosarán serán os indicados para o
idioma galego. Isto quere dicir que todos os contidos do web deberán crearse cando
menos en galego.
Se unha páxina non está definida para o idioma en que se pretende ver, e tampouco o
está para o idioma por defecto (galego), aparecerá unha páxina en branco aínda que
estivese definido algún outro idioma.
A edición de contidos ábrese automaticamente no idioma por defecto (galego).
Para cubrirmos os datos noutro idioma haberá que despregar a listaxe de idiomas e
escoller o idioma para o que se quere editar o contido.
A listaxe despregable tamén proporciona información acerca dos idiomas en que se
introduciu a información dun contido e de en cales non. Os idiomas para os que se
introduciron datos amosarán o nome do idioma sen máis. Para os que non se
introducise ningún dato, a continuación do nome aparecerá un guión entre
corchetes [-]. A seguinte imaxe indicaría que o contido se cubriu para o galego e o
español, mais non se indicou ningún tipo de información para o inglés.
Ilustración 31. Imaxe de selección de idioma
Borrar o idioma . Ao premermos esta opción situada ao lado da listaxe despregable
de selección do idioma borraranse todos os datos relativos ao idioma que estivese
seleccionado.
Copiar o idioma . Permite copiarmos o contido no idioma actual ao resto dos
idiomas. Amosa un cadro de selección dos idiomas de destino en que se pretende
copiar o contido.
Saír . Utilízase esta opción para saírmos do cadro de edición do contido sen
gardarmos os cambios realizados.
Manual para editores de la UDC
Universidade da Coruña, 2011 Páxina 53 de 96
A zona central de edición de datos será diferente segundo o tipo de contido que se estiver a
editar, mais todos terán elementos en común.
O botón Engadir novo elemento aparecerá na parte dereita daqueles datos do
web que foren opcionais. Permite catro opcións:
o Para despregarmos os campos opcionais e poder escribir neles. Se o campo xa
ten información, mais é de datos múltiplos (como, por exemplo, os eventos, que
poden ter varias publicacións na Axenda), engadirase un novo dato. Esta opción
estará desactivada cando o dato xa se cubrise, pois só pode haber un dato dese
tipo (por exemplo, cada convocatoria de persoal só pode ter un subtítulo).
o Estas frechas serven para cambiarmos a orde dos contidos que son de datos
múltiplos. Por exemplo, nos formularios pode indicarse que aparecerán varios
campos. A orde en que se amosarán será a mesma en que se ven no cadro de
edición. Coas frechas poden intercambiarse as devanditas posicións.
o Para eliminarmos o campo ou o conxunto de campos e que non se poida
escribir neles. Esta opción estará desactivada cando o elemento non fose engadido
previamente.
Busca de contidos. Nos campos de datos en que se introduce unha URL, na parte
dereita sempre haberá unha icona que nos permitirá abrir un cadro que facilitará
localizarmos o contido para enlazar sen necesidade de escribirmos a ruta
manualmente. Pode ser:
o Cando se enlaza un contido. Ábrese unha árbore de recursos coa estrutura de
ficheiros do xestor.
Manual para editores de la UDC
Universidade da Coruña, 2011 Páxina 54 de 96
Ilustración 32. Árbore de ficheiros para seleccionar contidos
o Cando a ligazón é a un documento. Ábrese un cadro de diálogo con todas as
carpetas que foron creadas como galerías de descargas.
Manual para editores de la UDC
Universidade da Coruña, 2011 Páxina 55 de 96
Ilustración 33. Galerías de descargas
o Cando a URL é dunha imaxe. Ábrese un cadro de diálogo con todas as carpetas
que foron creadas como galerías de imaxes.
Manual para editores de la UDC
Universidade da Coruña, 2011 Páxina 56 de 96
Ilustración 34. Galerías de imaxes
7.3.1. Campos de introdución de texto
Na maior parte dos campos soamente pode introducirse texto plano, sen que for posible
realizar ningún cambio no seu aspecto. No entanto, en case todos os contidos adoita haber
un campo que ten un pequeno editor de textos. Trátase dun campo en que se introduce
texto coa axuda dunha barra de ferramentas situada na parte superior, a cal pode estar
oculta até que o rato se coloca enriba do campo.
Manual para editores de la UDC
Universidade da Coruña, 2011 Páxina 57 de 96
Ilustración 35. Barra de ferramentas do editor de textos
Para desfacermos e refacermos os últimos cambios no texto.
Para seleccionarmos todo o contido.
Para eliminarmos o formato dos textos. Déixaos co tamaño por defecto do xestor
e sen ningún tipo de efecto.
Son as típicas opcións de cortar, copiar e pegar de todos os
editores. Estas opcións tamén son accesibles nun menú contextual ao premermos co
botón dereito do rato sobre o texto. Neste caso hai que ter coidado coa opción Pegar.
Se copiamos un texto doutro lugar, esta opción do menú contextual mantén o formato
orixinal. Non debería facerse desta maneira porque eses formatos poderían provocar
unha visualización incorrecta no web. Debería utilizarse a opción da barra de
ferramentas que pega texto plano e logo aplicar o formato co resto das ferramentas.
Son as opcións de calquera procesador para pórmos o texto en letra
grosa, cursiva, subliñada e/ou riscada.
Para pórmos subíndices e superíndices.
Para aliñarmos o texto á esquerda, centralo, aliñalo á dereita ou
xustificalo respectivamente. Tamén son opcións típicas de calquera procesador de
textos.
Os dous primeiros permiten distribuírmos a información en
numeracións e viñetas. Os dous últimos son para diminuírmos ou aumentarmos o nivel
de profundidade do parágrafo (sangrías).
O OpenCms usa por defecto números (1, 2, 3…) para as listaxes numeradas.
Para cambiarmos o tipo de numeración cómpre premermos co botón dereito do rato
sobre un elemento da listaxe.
Manual para editores de la UDC
Universidade da Coruña, 2011 Páxina 58 de 96
Ilustración 36. Edición de propiedades das numeracións
Unha vez seleccionada a opción Propiedades de numeracións, accédese a un novo
cadro de diálogo en que se permite cambiarmos o tipo de numeración.
Ilustración 3729. Cadro de selección do tipo de numeración
Ao premermos esta opción pode verse o código HTML que se xera co
contido. Non é recomendable que esta opción sexa empregada por usuarios que non
teñan coñecementos básicos de linguaxe HTML.
Listaxe despregable para seleccionarmos o estilo do texto que
se está a editar. Para o web da UDC limitáronse moito os estilos que poden
empregarse. As posibles opcións son as seguintes:
Ilustración 38. Listaxe dos estilos que poden escollerse nos textos da UDC
Permite introducirmos unha imaxe no contido. Ao premermos esta opción ábrese
un novo cadro en que ao escollermos a opción Show galleries (amosar as galerías)
aparece unha listaxe de todas as carpetas do web que foron creadas como galerías de
imaxes.
Manual para editores de la UDC
Universidade da Coruña, 2011 Páxina 59 de 96
Para escollermos a imaxe que vai engadirse cómpre navegarmos a través das carpetas
desa listaxe.
Ilustración 39. Listaxe das galerías de imaxes
Permite introducirmos unha ligazón a un documento dentro do contido.
Ao premermos esta opción ábrese un novo cadro en que ao elixirmos a opción Show
galleries (amosar as galerías) aparece unha listaxe de todas as carpetas do web que
foron creadas como galerías de descargas.
Para seleccionarmos o documento que vai engadirse cómpre navegarmos a través das
carpetas desa listaxe.
Manual para editores de la UDC
Universidade da Coruña, 2011 Páxina 60 de 96
Ilustración 40. Listaxe das galerías de descargas
Para introducirmos unha táboa. Aparece un cadro de diálogo que permite
seleccionarmos o número de filas, o número de columnas, se se verá o bordo da
táboa, o grosor deste, o título da táboa etc.
Para introducirmos no texto símbolos especiais.
Para imprimirmos o texto que se está a editar.
Para vermos o texto que se está a escribir a pantalla completa. De se estar a
editar o texto a pantalla completa, premermos este botón volverá á visualización
normal.
Manual para editores de la UDC
Universidade da Coruña, 2011 Páxina 61 de 96
Para introducirmos unha ligazón no texto seleccionado.
Ilustración 4130. Cadro para introducir unha ligazón
Indícase a URL externa que vai enlazarse e se se quere presentar a información na
mesma xanela ou noutra nova.
As URL internas tamén se poden teclear directamente, mais a icona de carpeta que
aparece á dereita do campo en que se indica a URL abre un cadro coa estrutura do
web pola que navegaremos até encontrarmos o contido con que se quere enlazar.
Tamén é un asistente para agregarmos ligazóns no texto seleccionado, ora que
máis completo que o anterior. Unha funcionalidade engadida a respecto deste e que
resulta interesante é a de acrecentarmos ligazóns de correo electrónico.
Para isto indícase E-mail (correo-e) no tipo, o enderezo de correo-e para enlazar,
un título e un corpo para a mensaxe. Cando o usuario do web prema esta ligazón
abrirase o xestor de correo que teña configurado por defecto no seu equipo, que porá
no enderezo de destino o indicado. O campo Título da mensaxe correspóndese co
asunto do correo, mentres que no Corpo da mensaxe vai o contido deste.
Manual para editores de la UDC
Universidade da Coruña, 2011 Páxina 62 de 96
Ilustración 42. Para introducir unha ligazón de correo electrónico
Permite eliminarmos a ligazón do texto previamente seleccionado.
Manual para editores de la UDC
Universidade da Coruña, 2011 Páxina 63 de 96
8. Edición de contidos
8.1. Páxina xenérica da UDC
Este tipo de páxinas son as que amosan a maior parte do contido do web. Hai dúas lapelas
para cubrirmos datos:
Datos
o Título. Texto que se amosará como título na páxina.
o Subtítulo. Texto opcional que se amosará como subtítulo na páxina.
o Contido da páxina. É un campo cun editor de textos que permite introducirmos o
contido que aparecerá na páxina.
o Data de publicación. É a data a partir de que o contido será visible no web.
Cóbrese automaticamente coa data de creación do contido. É moi útil para
contidos que se crean hoxe, mais non se quere que se vexan no web até un
momento posterior.
o Data de expiración. É a data a partir de que o contido deixa de ser visible no web.
Cóbrese automaticamente co valor «1/1/2150».
Ilustración 43. Pantalla de edición dunha páxina xenérica da UDC
Imaxe. De se querer asociar unha imaxe ao contido, pode facerse de varias formas.
Unha é metérmola no campo do contido antes mencionado e a outra utilizarmos esta
lapela que a sitúa entre o título e o subtítulo.
o Imaxe. URL onde está almacenada a imaxe.
Manual para editores de la UDC
Universidade da Coruña, 2011 Páxina 64 de 96
o Texto alternativo. Texto necesario por motivos de accesibilidade. Aparecerá cando
a imaxe non se puider amosar por algunha razón.
o Descrición. Descrición da imaxe.
o Ligazón. Se a imaxe vai ser unha ligazón a algunha outra páxina ou a algún ficheiro.
Descrición: texto descritivo con información sobre a ligazón.
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe
8.1.1. Páxinas de detalle
As páxinas de detalle con este tipo de contido son as seguintes:
8.1.1.1. /system/modules/es.udc.portal/pages/udc_pag_basica_sin_menu.jsp
Esta páxina de detalle úsase cos contidos que utilicen o modelo que non amosaba menú na
parte dereita (udc_tmpl_basica.jsp).
8.1.1.2. /system/modules/es.udc.portal/pages/udc_pag_basica.jsp
Esta páxina de detalle emprégase cos contidos que utilicen o modelo que amosaba menú na
parte dereita (udc_tmpl_dentro.jsp ou udc_tmpl_dentro_ow.jsp).
8.1.1.3. /system/modules/es.udc.portal/pages/udc_pg_contido_especial.jsp
Esta páxina de detalle úsase para amosar os contidos especiais de fondo rosa.
Este deseño creouse para un reducido número de páxinas a que se accederá desde as
campañas da páxina principal.
8.1.1.4. /system/modules/es.udc.portal/pages/udc_pg_lista_bolsas.jsp
Os contidos que utilizaren esta páxina de detalle non necesitarán cubrir ningún dato, xa que
son listaxes que se xeran dinamicamente en función das bolsas vixentes no momento. Para
amosarmos unha listaxe como esta, será necesario cubrir a propiedade Category (categoría)
cun dos seguintes valores: «Convocatorias», «ListaProvisional», «ListaDefinitiva» ou
«Resolucion». Desta forma, na páxina aparecerá unha relación de convocatorias, listaxes
provisionais de persoas admitidas, listaxes definitivas de persoas admitidas ou resolucións
respectivamente. Amosaranse bolsas que foren creadas en calquera parte do web.
Manual para editores de la UDC
Universidade da Coruña, 2011 Páxina 65 de 96
8.1.1.5. /system/modules/es.udc.portal/pages/udc_pg_lista_bolsas_carpeta.jsp
Os contidos que incluíren esta páxina de detalle presentarán unha listaxe das convocatorias
de bolsas que se crearen na mesma carpeta que esta páxina.
Deste xeito, cada sección do web poderá xerar unha carpeta de bolsas en que crear as súas
propias bolsas. Unha páxina informativa que empregase esta JSP presentaría unha listaxe das
devanditas bolsas propias e non de todas as da UDC, como ocorre coa páxina de detalle
anterior.
Os contidos que utilizaren esta páxina de detalle non necesitarán cubrir ningún dato, xa que
son listaxes que se xeran dinamicamente en función das bolsas vixentes na carpeta no
momento.
8.1.1.6. /system/modules/es.udc.portal/pages/udc_pg_lista_persoal.jsp
Os contidos que empregaren esta páxina de detalle non necesitarán cubrir ningún tipo de
dato, xa que son listaxes do tipo persoal que se xeran de forma dinámica en función dos
contidos deste tipo vixentes no momento. Para amosar unha listaxe como esta será necesario
cubrirmos a propiedade Category (categoría) cun dos seguintes valores: «Convocatorias»,
«ListaProvisional», «ListaDefinitiva» ou «Resolucion». Desta forma a páxina presentará unha
relación de convocatorias, listaxes provisionais de persoas admitidas, listaxes definitivas de
persoas admitidas ou resolucións respectivamente.
O caso dos contidos do tipo persoal é máis restritivo e só aparecerán nas listaxes os datos
relativos a contidos deste tipo que se situaren nunha carpeta de nome Persoal incluída na
mesma carpeta en que está a páxina con esta JSP.
8.1.1.7. /system/modules/es.udc.portal/pages/udc_pg_lista_persoal_carpeta.
jsp
Para ter unha certa similitude coas bolsas, créase esta páxina de detalle que presenta unha
listaxe de convocatorias de contidos do tipo persoal da carpeta que incluír a páxina que
referencia esta JSP.
Os contidos que usaren esta páxina de detalle non necesitarán cubrir ningún dato, xa que son
listaxes que se xeran dinamicamente en función dos contidos do tipo persoal vixentes na
carpeta no momento.
Manual para editores de la UDC
Universidade da Coruña, 2011 Páxina 66 de 96
8.1.1.8. /system/modules/es.udc.portal/pages/udc_pg_lista_eventos_tipo.jsp
Os contidos que empregaren esta páxina de detalle presentarán información sobre os
eventos. Trátase da información que se indicará na lapela Publicación da Axenda (de que se
falará máis adiante).
Actualmente empréganse para as opcións de menú da Axenda e amosan as publicacións nesta
que se producirán nos próximos días.
Os eventos poden clasificarse por tipos, polo que é necesario sinalarmos o tipo de evento
para o que se queren amosar os datos. Para isto úsase a propiedade evento_tipo, a que se lle
poderán indicar os seguintes valores:
«100, 199»: para listar as publicacións na axenda dos eventos do tipo curso. Tamén se
inclúen os congresos e os relatorios.
«200, 299»: para listar as publicacións na axenda dos eventos do tipo xornadas.
«300, 399»: para listar as publicacións na axenda dos eventos do tipo académico.
«400, 499»: para listar as publicacións na axenda dos eventos do tipo actividades.
«500, 599»: para listar as publicacións na axenda dos eventos do tipo cultural.
«600, 699»: para listar as publicacións na axenda dos eventos deportivos.
«700, 799»: para listar as publicacións na axenda dos eventos do tipo institucional.
Os contidos que utilizaren esta páxina de detalle non necesitarán cubrir ningún dato, xa que
son listaxes que se xeran dinamicamente en función dos eventos vixentes no momento.
8.1.1.9. /system/modules/es.udc.portal/pages/udc_pg_lista_eventos_carpeta.
jsp
Os contidos que usaren esta páxina de detalle amosarán unha listaxe dos eventos que se
atopan na carpeta que contén a páxina que inclúe esta JSP. Non será necesario cubrirmos
ningún dato, xa que son listaxes que se xeran dinamicamente en función dos eventos
vixentes na carpeta no momento.
8.1.1.10. /system/modules/es.udc.portal/pages/udc_pg_lista_cursos.jsp
Os contidos que empregaren esta páxina de detalle presentarán unha listaxe de eventos dos
tipos cursos e xornadas ordenados por data.
Na propiedade destinatario_cursos indicarase de que destinatario queren amosarse os cursos
(PAS, PDI ou estudantes)
Manual para editores de la UDC
Universidade da Coruña, 2011 Páxina 67 de 96
Non será necesario cubrirmos ningún dato no seu contido, xa que son listaxes que se xeran
dinamicamente en función dos cursos vixentes no momento.
8.1.1.11. /system/modules/es.udc.portal/pages/udc_pg_lista_contratacion.jsp
Os contidos que usaren esta páxina de detalle amosarán unha listaxe de expedientes de
contratación administrativa.
Para a construción das devanditas listaxes é necesario marcarmos valores en tres
propiedades:
Category (categoría). A listaxe amosará os expedientes do ano que se indicar nesta
propiedade. De non se indicar nada, por defecto serán listaxes de expedientes do ano
en curso.
contratacion.tipo. As listaxes poden ser de expedientes de obras, de subministracións
ou de servizos. Haberá que indicar, por tanto, un destes tres valores. De non se
sinalar ningún valor, por defecto serán listaxes de expedientes de obras.
codigo.tipo. Cada expediente pode ser unha licitación en curso, estar adxudicado
provisionalmente, estar adxudicado definitivamente ou ser anulado. Cos valores
«Curso», «Provisional», «Definitivo» ou «Anulado» márcase o tipo de expedientes que
se presentarán na listaxe. De non se indicar ningún valor, por defecto listaranse
expedientes de licitacións en curso.
Manual para editores de la UDC
Universidade da Coruña, 2011 Páxina 68 de 96
8.2. Páxina xenérica a dúas columnas
Créase un contido deste tipo cando se quere que nunha páxina figure un texto distribuído en
dúas columnas.
Ilustración 4431. Pantalla de edición dunha páxina xenérica da UDC a dúas columnas
Neste tipo de contidos, ao igual que nas páxinas xenéricas, hai dúas lapelas de información
para cubrirmos.
Datos
o Título. Neste campo indícase o título da páxina.
o Subtítulo. Opcionalmente permite sinalarmos o subtítulo da páxina.
o Contido inicial. Trátase dun texto opcional a unha soa columna que se amosará
antes do texto a dúas columnas.
o Contido da columna esquerda. Texto obrigatorio que aparecerá na columna da
esquerda.
o Contido da columna dereita. Texto obrigatorio que aparecerá na columna da
dereita.
Manual para editores de la UDC
Universidade da Coruña, 2011 Páxina 69 de 96
o Contido final. Texto opcional a unha soa columna que se amosará despois do texto
a dúas columnas.
o Data de publicación. Data a partir de que o contido será visible no web. Cóbrese
automaticamente coa data de creación do contido. É moi útil para contidos que se
crean hoxe, mais non se quere que se vexan no web até un momento posterior.
o Data de expiración. Data a partir de que o contido deixa de ser visible no web.
Cóbrese automaticamente co valor «1/1/2150».
Imaxe. De se querer asociar unha imaxe ao contido, pode facerse de varias formas.
Unha é metérmola no campo Contido antes mencionado e a outra utilizarmos esta
lapela que a coloca entre o título e o subtítulo.
o Imaxe. URL onde está almacenada a imaxe.
o Texto alternativo. Texto necesario por motivos de accesibilidade. Aparecerá cando
a imaxe non se puider amosar por algunha razón.
o Descrición. Descrición da imaxe.
o Ligazón. Se a imaxe vai ser unha ligazón a algunha outra páxina ou ficheiro.
Descrición: texto descritivo con información sobre a ligazón.
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe.
8.2.1. Páxina de detalle
A páxina de detalle que se utiliza con este tipo de contido é /system/modules/
es.udc.portal/pages/udc_pg_dos_columnas.jsp. Ao ser única, configurouse o xestor para que
se cubra a propiedade Template-Elements (elementos do modelo) de forma automática ao
crearmos o contido.
8.2.2. Modelo
Ao igual que para a propiedade Template-Elements (elementos do modelo), tamén se cobre
de forma automática a propiedade Template (modelo) co valor «/system/modules/
es.udc.portal/templates/udc_tmpl_dentro.jsp». De se querer outra forma de presentación
da páxina ou o contido pertencente a un sitio, haberá que cambiar manualmente o valor
desta propiedade.
Manual para editores de la UDC
Universidade da Coruña, 2011 Páxina 70 de 96
8.3. Páxina institucional da UDC
Créase un contido deste tipo cando se quere unha páxina que teña un texto de tamaño
limitado no centro (con posibilidade de paxinación) e outro texto de tamaño limitado na
parte esquerda (tamén con posibilidade de paxinación).
Ilustración 45. Pantalla de edición dunha páxina institucional da UDC
Neste tipo de contidos, ao igual que nas páxinas xenéricas, hai catro lapelas de información
para cubrirmos.
Datos
o Título. Neste campo indícase o título da páxina.
o Data de publicación. Data a partir de que o contido será visible no web. Cóbrese
automaticamente coa data de creación do contido. É moi útil para contidos que se
crean hoxe, mais non se quere que se vexan no web até un momento posterior.
o Data de expiración. Data a partir de que o contido deixa de ser visible no web.
Cóbrese automaticamente co valor «1/1/2150».
Imaxe. De se querer asociar unha imaxe ao contido, pode facerse de varias formas.
Unha é metérmola no campo Contido antes mencionado e a outra usarmos esta lapela
que a coloca entre o título e o subtítulo. Neste caso, a imaxe indicada nestes campos
poderá repetirse en cada unha das paxinacións do contido.
Manual para editores de la UDC
Universidade da Coruña, 2011 Páxina 71 de 96
o Imaxe. URL onde está almacenada a imaxe.
o Texto alternativo. Texto necesario por motivos de accesibilidade. Aparecerá cando
a imaxe non se puider amosar por algunha razón.
o Descrición. Descrición da imaxe:
o Ligazón. Se a imaxe vai ser unha ligazón a algunha outra páxina ou ficheiro.
Descrición: texto descritivo con información sobre a ligazón.
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe.
Contido central. É a información que aparecerá na parte central da páxina.
Pode haber até cinco bloques deste tipo. Na visualización do web, cada un
corresponderase cunha páxina.
o Amosar a imaxe. De se marcar o cadro de verificación, aparecerá a imaxe da lapela
Imaxe antes do texto do contido. De non estar marcado, a imaxe non se amosará.
o Contido. Texto do bloque de contido.
Contido da dereita. É a información que aparecerá na parte esquerda da páxina.
Pode haber até cinco bloques deste tipo. Na visualización do web, cada un
corresponderase cunha páxina.
o Contido da páxina. Texto do bloque de contido.
8.3.1. Páxina de detalle
A páxina de detalle que se emprega con este tipo de contido é
/system/modules/es.udc.portal/pages/udc_pg_institucional.jsp. Ao ser única, configurouse
o xestor para que se cubra a propiedade Template-Elements (elementos do modelo) de
forma automática ao crearmos o contido.
8.3.2. Modelo
A propiedade Template (modelo), igual que a propiedade Template-Elements (elementos do
modelo), tamén se cobre de forma automática co valor «/system/modules/
es.udc.portal/templates/udc_tmpl_dentro.jsp». De se querer outra forma de presentar a
páxina ou o contido pertencente a un sitio, haberá que cambiar manualmente o valor desta
propiedade.
Manual para editores de la UDC
Universidade da Coruña, 2011 Páxina 72 de 96
8.4. Convocatorias de bolsas da UDC
É o tipo de contido que se emprega para indicarmos todos os datos relacionados coas bolsas
que se publican na UDC. Desta forma terase nun único contido toda a información
(convocatorias, listaxes de persoas admitidas, resolucións e notificacións).
Non hai ningún sitio específico para crearmos as bolsas. Porén, até o momento estiveron a se
crear todas no directorio /admision_bolsas/axudas/bolsasUDC/ para telas todas localizadas.
Unha boa xestión das bolsas pasaría por que cada sección do web crease unha carpeta
denominada Bolsas onde se colocarían todas as dependentes desa sección, e que o resto de
bolsas que non se puidesen encadrar en ningunha sección seguisen a se meter no directorio
xenérico. Desta maneira, cada sección podería crear listaxes de bolsas propias.
Ilustración 46. Pantalla de edición dunha bolsa
Os datos que cómpre introducirmos para unha bolsa repártense en cinco lapelas.
Convocatoria da bolsa. Como o seu nome indica, son datos da convocatoria da bolsa.
o Título da convocatoria. Texto de até 80 carácteres que identifica a convocatoria e
que será o que se amosará para as bolsas que foren saír na páxina principal.
o Subtítulo da convocatoria. Texto opcional que pode engadir información adicional
ao título da bolsa.
o Contido. Texto opcional para engadirmos información á convocatoria da bolsa.
o Páxina principal. Todas as bolsas que se publicaren na UDC sairán nas listaxes da
sección Admisión e bolsas. Porén, pode elixirse se a información da devandita bolsa
se amosará ou non na páxina principal. Se a información da convocatoria non
Manual para editores de la UDC
Universidade da Coruña, 2011 Páxina 73 de 96
aparece na páxina principal, tampouco o fará a relativa ás listaxes, as resolucións
ou as notificacións que se publicaren sobre esa bolsa.
o Documento anexo. Neste campo pode incluírse un documento asociado á
convocatoria. Trátase dun campo opcional.
Ficheiro: URL do arquivo que se pretende achegar.
Descrición: texto que servirá de ligazón ao ficheiro que vai achegarse.
o Imaxe. De se querer asociar unha imaxe ao contido, pode facerse de varias formas.
Unha é metérmola no campo Contido antes mencionado e a outra empregarmos
este campo que a coloca entre o subtítulo e o contido.
Imaxe: URL onde está almacenada a imaxe.
Texto alternativo: texto necesario por motivos de accesibilidade. Aparecerá
cando a imaxe non se puider amosar por algunha razón.
Descrición: descrición da imaxe:
Ligazón: se a imaxe vai ser unha ligazón a algunha outra páxina ou ficheiro.
Descrición: texto descritivo con información sobre a ligazón.
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe.
o Data de inicio da publicación. Data a partir de que a bolsa será visible no web.
Cóbrese automaticamente coa data de creación. É moi útil de se querer crear
bolsas con anterioridade a saíren publicadas.
o Data de fin de da publicación. Data a partir de que a bolsa xa non se verá no web.
A data con que se cobre por defecto este campo é o resultado de lle sumar
180 días á data con que por defecto se crea a bolsa.
Listaxe provisional de admitidos e admitidas, Listaxe definitiva de admitidos e
admitidas, Resolución da convocatoria da bolsa e Notificación da convocatoria da
bolsa. As catro lapelas restantes son iguais canto aos datos que cómpre
introducirmos. Simplemente se refiren á listaxe provisional, a listaxe definitiva,
a resolución e as notificacións (que poden ser até dez). Os datos de cada lapela son os
seguintes:
o Título. Texto obrigatorio de até 80 carácteres que será o texto que figurará nas
publicacións na páxina principal.
o Subtítulo. Texto opcional que completa a información do título.
Manual para editores de la UDC
Universidade da Coruña, 2011 Páxina 74 de 96
o Contido. Texto opcional con datos sobre a información que se amosa na lapela
actual.
o Documento. Neste campo pode incluírse un documento asociado á listaxe,
a resolución ou a notificación. É un campo opcional.
Ficheiro: URL do arquivo que se pretende achegar.
Descrición: texto que servirá de ligazón ao ficheiro que vai achegarse.
o Data de inicio: data a partir de que a información relativa a esta lapela será visible
no web.
8.4.1. Páxina de detalle
A páxina de detalle que se utiliza con este tipo de contido é
/system/modules/es.udc.portal/pages/udc_pg_detalle_bolsa.jsp. Ao ser única, configurouse
o xestor para que se cubra a propiedade Template-Elements (elementos do modelo) de
forma automática ao crearmos o contido.
8.4.2. Modelo
Ao igual que para a propiedade Template-Elements (elementos do modelo), tamén se cobre
de forma automática a propiedade Template (modelo) co valor «/system/modules/
es.udc.portal/templates/udc_tmpl_dentro.jsp».
8.5. Convocatorias, contratacións e concursos do PAS ou PDI da
UDC
É o tipo de contido que se utiliza para indicarmos todos os datos relacionados coas
contratacións de persoal na UDC. Desta forma terase nun único recurso toda a información
(convocatorias, listaxes de persoas admitidas, resolucións e notificacións).
Os contidos do tipo persoal só poden crearse nuns directorios específicos.
No directorio /servizos/persoal_administracion_servizos/convocatorias/ crearanse todos os
contidos do tipo persoal do colectivo do PAS divididos en: concursos/funcionario,
concursos/laboral, probas_selectivas/funcionario, probas_selectivas/laboral e contr_
temporal.
Manual para editores de la UDC
Universidade da Coruña, 2011 Páxina 75 de 96
Para o PDI o directorio en que se crean os contidos do tipo persoal é
/servizos/persoal_administracion_servizos/convocatorias/. E aí dentro divídense en
concursos_contratacion e concursos_funcionarios.
Ilustración 47. Pantalla de edición dun contido do tipo persoal
Os datos que cómpre introducirmos para un contido do tipo persoal repártense en cinco
lapelas.
Convocatoria. Como o seu nome indica, son datos da convocatoria da contratación de
persoal.
o Título da convocatoria. Texto de até 80 carácteres que identifica a convocatoria e
que será o texto que se amosará para os contidos deste tipo que foren saír na
páxina principal.
o Subtítulo da convocatoria. Texto opcional que pode engadir información adicional
ao título da contratación.
o Contido. Texto opcional para engadirmos información adicional á convocatoria da
contratación.
o Páxina principal. Todos os contidos do tipo persoal que se publicaren nalgún dos
directorios indicados anteriormente, sairán nas listaxes de persoal. No entanto,
pode elixirse se a información dun determinado contido deste tipo aparece ou non
na páxina principal. Se a información da convocatoria non se amosa na páxina
principal, tampouco aparecerá a información relativa ás listaxes, as resolucións ou
as notificacións que se publicaren sobre a devandita contratación.
Manual para editores de la UDC
Universidade da Coruña, 2011 Páxina 76 de 96
o Documento anexo. Neste campo pode incluírse un documento asociado á
convocatoria. Trátase dun campo opcional.
Ficheiro: URL do arquivo que se pretende achegar.
Descrición: texto que servirá de ligazón ao ficheiro que vai achegarse.
o Imaxe. De se querer asociar unha imaxe ao contido, pode facerse de varias formas.
Unha é metérmola no campo Contido antes mencionado e a outra utilizarmos este
campo que a coloca entre o subtítulo e o contido.
Imaxe: URL onde está almacenada a imaxe.
Texto alternativo: texto necesario por motivos de accesibilidade. Aparecerá
cando a imaxe non se puider amosar por algunha razón.
Descrición: descrición da imaxe:
Ligazón: se a imaxe vai ser unha ligazón a algunha outra páxina ou ficheiro.
Descrición: texto descritivo con información sobre a ligazón.
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe.
o Data de inicio da publicación. Data a partir de que o contido do tipo persoal será
visible no web. Cóbrese automaticamente coa data de creación. É moi útil de se
querer crear contidos con anterioridade a saíren publicados.
o Data de fin da publicación. Data a partir de que o contido do tipo persoal xa non se
verá no web. A data con que se cobre por defecto este campo é o resultado de lle
sumar 730 días (dous anos) á data con que por defecto se crea o contido.
Listaxe provisional, Listaxe definitiva, Resolución e Notificación. As catro lapelas
restantes son iguais canto aos datos que cómpre introducirmos. Simplemente se
refiren á listaxe provisional, a listaxe definitiva, a resolución e as notificacións
(que poden ser até dez). Os datos de cada lapela son os seguintes:
o Título. Texto obrigatorio de até 80 carácteres que será o que se amosará nas
publicacións na páxina principal.
o Subtítulo. Texto opcional que completa a información do título.
o Contido. Texto opcional con información adicional sobre os datos que aparecen na
lapela actual.
o Documento anexo. Neste campo pode incluírse un documento asociado á listaxe,
a resolución ou a notificación. É un campo opcional.
Ficheiro: URL do arquivo que se pretende achegar.
Manual para editores de la UDC
Universidade da Coruña, 2011 Páxina 77 de 96
Descrición: texto que servirá de ligazón ao ficheiro que vai achegarse.
o Data de inicio: data a partir de que a información relativa a esta lapela será visible
no web.
8.5.1. Páxina de detalle
A páxina de detalle que se utiliza con este tipo de contido é
/system/modules/es.udc.portal/pages/udc_pg_detalle_persoal.jsp. Ao ser única,
configurouse o xestor para que se cubra a propiedade Template-Elements (elementos do
modelo) de forma automática ao crearmos o contido.
8.5.2. Modelo
Ao igual que para a propiedade Template-Elements (elementos do modelo), tamén se cobre
de forma automática a propiedade Template (modelo) co valor «/system/modules/
es.udc.portal/templates/udc_tmpl_dentro.jsp».
8.6. Eventos
É o tipo de contido que se emprega para indicarmos calquera tipo de suceso que se produce
no web e que, por regra xeral, quere amosarse na sección Actualidade da páxina principal.
Non hai ningún tipo de restrición no tocante á carpeta do web que cómpre utilizarmos para
xerar os eventos. A idea é que os cursos destinados exclusivamente ao colectivo do PAS se
crean no directorio /servizos/persoal_administracion_servizos/formacion/cursos/, os cursos
destinados exclusivamente ao colectivo do PDI almacénanse na carpeta /servizos/
persoal_docente_investigador/formacion/cursos/ e os cursos destinados exclusivamente ao
estudantado serán xerados en /servizos/estudantes/cursos/cursos/. O resto dos eventos
almacenarase na carpeta de Actualidade.
Outra opción sería que cada sección do web tivese un directorio de cursos en que crear
aqueles dependentes dela. Desta forma poderían facer listaxes dos cursos que unicamente
dependesen da súa sección.
Manual para editores de la UDC
Universidade da Coruña, 2011 Páxina 78 de 96
Ilustración 48. Pantalla de edición dun evento
A información que cómpre indicarmos para un curso repártese en sete lapelas.
Datos
o Título. Texto de até 80 carácteres que identifica o evento. É o texto que aparecerá
para os eventos que se amosaren na páxina principal.
o Subtítulo. Texto opcional que pode engadir información adicional ao título do
evento.
o Tipo. É unha listaxe despregable en que se pode escoller o tipo de evento que se
está a crear. Os posibles valores son: «Curso», «Congreso», «Relatorio»,
«Xornada», «Académico», «Actividade», «Cultural», «Deporte» e «Institucional».
Do valor deste campo dependerá despois a listaxe en que vai saír o evento,
mais sobre todo as súas publicacións na Axenda.
o Contido. Texto opcional para engadirmos información adicional ao evento.
o Principal. Todos os eventos que se publicaren no web da UDC serán tidos en conta
na sección Actualidade, así como todos os cursos serán tidos en conta nas listaxes
de Cursos. Porén, con este cadro de verificación pode elixirse se a información dun
determinado evento aparece ou non na páxina principal.
o Data de inicio da publicación. Data a partir de que o evento será visible no web.
Cóbrese automaticamente coa data de creación. É moi útil de se querer crear
eventos con anterioridade a saíren publicados.
o Data de fin da publicación. Data a partir de que o evento xa non é visible no web.
A data con que se cobre por defecto este campo é o resultado de lle sumar
180 días (seis meses) á data con que por defecto se crea o contido.
Destinatarios. Esta lapela está especialmente pensada para os cursos. Serve para
marcarmos ou desmarcarmos os destinatarios dos cursos nas listaxes específicas de
cursos do PAS, PDI e estudantado. Por defecto están todos marcados.
Anexo. Trátase dun campo opcional en que poden incluírse até oito documentos
relacionados co evento.
Ficheiro: URL do arquivo que se pretende achegar.
Manual para editores de la UDC
Universidade da Coruña, 2011 Páxina 79 de 96
Descrición: texto que servirá de ligazón ao ficheiro que vai achegarse.
Localización. Nesta lapela poden indicarse datos relacionados co lugar de celebración
do evento (no caso de ter sentido a información), e é posible replicalo debido a que
un mesmo evento pode ter varias localizacións. É un campo obrigatorio.
o Campus. É unha listaxe despregable cos valores «A Coruña» e «Ferrol».
o Lugar. Edificio en que terá lugar o evento.
o Horario. Para indicar as horas en que se realizará o curso.
o Observacións. Texto para calquera aclaración que queira facerse sobre a
localización do curso.
o Data de inicio. Data en que se inicia a realización do evento/curso.
o Data de fin. Data en que finaliza a realización do evento/curso.
Publicación na Axenda. É unha lapela importante con datos que se amosarán nas
opcións de menú da Axenda. Trátase dun campo opcional e para cada evento pode
haber até cinco publicacións na Axenda. De non se cubrir ningún dato desta lapela,
non se presentará ningunha información relacionada co evento na Axenda.
Os únicos datos que cómpre cubrirmos para as publicacións na Axenda son estes:
o Texto. É o texto que aparecerá na Axenda (tanto na páxina principal como nas
opcións do menú Axenda). A continuación deste texto, aparecerá o título da lapela
Datos.
o Data de inicio. Data a partir de que se quere que se publique o texto na Axenda.
Obviamente, as datas de publicación na Axenda deben estar entre a data de inicio
e de fin da publicación do evento, xa que fóra delas o evento non será visible.
o Data de fin. Data a partir de que o texto xa non será visible na Axenda. Será igual
que a data de inicio para que a publicación apareza un só día.
Imaxe. De se querer asociar unha imaxe ao contido, pode facerse de varias formas.
Unha é metérmola no campo Contido antes mencionado e a outra usarmos este campo
que a coloca entre o subtítulo e os datos de localización.
o Imaxe. URL onde está almacenada a imaxe.
o Texto alternativo. Texto necesario por motivos de accesibilidade. Aparecerá cando
a imaxe non se puider amosar por algunha razón.
o Descrición. Descrición da imaxe.
o Ligazón. Se a imaxe vai ser unha ligazón a algunha outra páxina ou ficheiro.
Descrición: texto descritivo con información sobre a ligazón.
Manual para editores de la UDC
Universidade da Coruña, 2011 Páxina 80 de 96
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe.
Notificación. Serve para indicarmos situacións excepcionais dos eventos como,
por exemplo, a publicación da listaxe de persoas admitidas nun curso. Poderá haber
até dez notificacións. Os datos que cómpre cubrirmos son os seguintes:
o Título. Texto obrigatorio de até 80 carácteres que será o que aparecerá nas
publicacións dos eventos na páxina principal.
o Subtítulo. Texto opcional que completa a información do título.
o Contido. Texto opcional con información adicional sobre a notificación.
o Documento. Neste campo pode incluírse un documento asociado á notificación.
É un campo opcional.
Ficheiro: URL do arquivo que se pretende achegar.
Descrición: texto que servirá de ligazón ao ficheiro que vai achegarse.
o Data de inicio. Data a partir de que a información relativa á notificación será
visible no web.
8.6.1. Páxina de detalle
A páxina de detalle que se utiliza con este tipo de contido é
/system/modules/es.udc.portal/pages/udc_pg_detalle_evento.jsp. Ao ser única,
configurouse o xestor para que se cubra a propiedade Template-Elements (elementos do
modelo) de forma automática ao crearmos o contido.
8.6.2. Modelo
Ao igual que para a propiedade Template-Elements (elementos do modelo), tamén se cobre
de forma automática a propiedade Template (modelo) co valor «/system/modules/
es.udc.portal/templates/udc_tmpl_dentro.jsp».
Manual para editores de la UDC
Universidade da Coruña, 2011 Páxina 81 de 96
8.7. Nova
Este tipo de contido emprégase para crear e modificar as novas de comunicación e prensa da
UDC.
As novas de comunicación e prensa créanse no directorio /sobreUDC/vice_cultura_
e_comunicacion/comunicacion/novas/. Dentro del haberá unha carpeta para cada ano e,
dentro de cada unha destas, unha carpeta para cada mes.
Ilustración 49. Pantalla de edición dunha nova de comunicación e prensa
Os datos que cómpre cubrirmos para as novas de comunicación e prensa repártense en cinco
lapelas.
Datos
o Título. Texto obrigatorio de até 80 caracteres que se utilizará nas novas que deban
aparecer na páxina principal como texto principal que vai amosarse.
o Subtítulo. Texto opcional de até 150 caracteres que será o subtítulo da nova.
Tamén aparecerá na páxina principal cando a nova non tiver ningunha imaxe
asociada.
o Contido. Texto opcional para amosar en relación coa nova que se verá na súa
páxina de detalle.
o Data de publicación. Data a partir de que a nova será visible no web. Cóbrese
automaticamente coa data de creación. É moi útil de se querer crear novas con
anterioridade a saíren publicadas.
o Data de expiración. Data a partir de que a nova xa non se ve no web. Por defecto,
este campo cóbrese co valor «1/1/2150».
o Tipo de nova. É unha listaxe que amosa todos os posibles tipos de nova que se ven
no web. Este campo é importante porque soamente as notas de prensa saen na
páxina principal, e porque as listaxes de novas se fan en función do tipo que
tiveren marcado.
Manual para editores de la UDC
Universidade da Coruña, 2011 Páxina 82 de 96
Imaxe. Esta lapela é diferente á do resto de contidos, porque unha nova pode ter
dúas imaxes asociadas. Esta necesidade de dúas imaxes débese aos requirimentos de
deseño en que todas as imaxes do web son de tamaño fixo. O tamaño indicado para as
imaxes que van amosarse na páxina principal é incompatible co tamaño da imaxe na
páxina de detalle da nova porque se deforma.
o Imaxe da páxina de inicio UDC. Só ten sentido para as novas de comunicación e
prensa, que se amosan na páxina principal. É a URL onde se almacena a imaxe.
o Imaxe da páxina de detalle da nova. É a imaxe que se amosará para a nova na súa
páxina de detalle.
o Contido multimedia. Indica se se trata dunha imaxe ou dun arquivo de son.
Neste último caso, aparecerá un símbolo de play sobre a imaxe para permitir a súa
reprodución.
o Texto alternativo. Texto necesario por motivos de accesibilidade. Aparecerá cando
a imaxe non puider amosarse por algunha razón.
o Descrición. Descrición da imaxe.
o Ligazón. Se a imaxe vai ser unha ligazón a algunha outra páxina ou ficheiro.
Descrición: texto descritivo con información sobre a ligazón.
Tipo: ligazón interna (que se abre na mesma páxina) ou ligazón externa
(que se abre nunha xanela distinta do navegador).
Ligazón: URL a que se navegará ao premermos a imaxe.
Ligazón a unha publicación en prensa
o Descrición. Texto que enlazará a URL indicada na ligazón.
o Ligazón. URL da publicación en prensa asociada á nova.
Anexo
o Ficheiro. URL do ficheiro que se quere achegar.
o Descrición. Texto que se amosará como ligazón ao ficheiro indicado na URL do
campo anterior.
Prioridade da nova. Este campo só se terá en conta nas novas do tipo notas de prensa
por seren as que aparecen na páxina principal. Os posibles valores son: «alta»,
«media», «baixa» ou «ningunha» (este último é o valor por defecto).
Na páxina de inicio do web aparecen as tres novas de comunicación e prensa máis
recentes no tempo, cunha excepción. Se varias novas coincidiren na data, non se
amosan por hora de creación, senón que é o campo Prioridade o que determina cales
se amosan e cales non. Se dúas novas son do mesmo día e só se pode ver unha delas,
Manual para editores de la UDC
Universidade da Coruña, 2011 Páxina 83 de 96
aparecerá a que teña un valor máis alto de prioridade. E se teñen a mesma
prioridade, daquela si será a hora de publicación a que determine cal é a que
aparece.
8.7.1. Páxina de detalle
A páxina de detalle que se utiliza con este tipo de contido é
/system/modules/es.udc.portal/pages/udc_pg_noticia.jsp. Ao ser única, configurouse o
xestor para que se cubra a propiedade Template-Elements (elementos do modelo) de forma
automática ao crearmos o contido.
8.7.2. Modelo
Ao igual que para a propiedade Template-Elements (elementos do modelo), tamén se cobre
de forma automática a propiedade Template (modelo) co valor «/system/modules/
es.udc.portal/templates/udc_tmpl_basica.jsp». Isto é así, porque o menú da sección Novas
non é o mesmo que o do resto de páxinas do web. É udc_pag_noticia.jsp a que engade o
menú Comunicación e prensa.
8.8. Contratación administrativa
Este tipo de contido emprégase para crearmos os expedientes da sección Contratación
administrativa do web da UDC.
Todos os expedientes de contratación teñen que ser creados na estrutura de directorios que
hai na carpeta /contratacionadministrativa/consulta_licitacions/expedientes/. Dentro dela
podemos ver un directorio para os expedientes de obras, outra para os expedientes de
servizos e outra para os de subministracións. En cada unha delas, os expedientes estarán
separados polo ano a que pertenceren.
Manual para editores de la UDC
Universidade da Coruña, 2011 Páxina 84 de 96
Ilustración 50. Pantalla de edición dun expediente de contratación administrativa
Os datos que cómpre cubrirmos para un expediente repártense en dúas lapelas.
Datos. Os datos que se introducen nesta lapela son os que se amosarán no web nas
listaxes de expedientes.
o Expediente. Texto obrigatorio da forma ano/número de expediente (por exemplo,
2010/3003).
o Procedemento de contratación. Texto opcional para indicarmos o procedemento do
expediente (por exemplo, PNSP).
o Obxecto. Texto obrigatorio que indica o título do expediente.
o Orzamento. Texto opcional que permite marcarmos o importe do orzamento do
expediente.
o Contido. Para os expedientes de contratación administrativa requírese unha
flexibilidade absoluta canto á información que se indicará e a orde desta, xa que
malia a maior parte dos expedientes seguir o mesmo patrón, hai unha serie de
excepcións que requiren tal flexibilidade. Este campo, xa que logo, úsase para
introducir como texto toda a información relacionada co expediente (datos de
lotes, adxudicatario/a, data de adxudicación etc).
o Licitación en curso, Adxudicado provisoriamente, Adxudicado definitivamente e
Anulado. Son campos que permiten seleccionarmos o estado en que se atopa o
expediente. O cadro de verificación que estiver marcado determinará a listaxe en
que se amosa o expediente.
Manual para editores de la UDC
Universidade da Coruña, 2011 Páxina 85 de 96
o Data de publicación. Data a partir de que o expediente será visible no web.
Cóbrese automaticamente coa data de creación. É moi útil de se querer crear
expedientes con anterioridade a saíren publicados.
o Data de fin da publicación. Data a partir de que o expediente deixará de ser visible
no web. Os expedientes de contratación administrativa non deixan de ser visibles
nunca, así que este campo queda baleiro.
Documentos. Nesta lapela indícanse os datos que se amosarán na páxina de detalle
do expediente.
o Documentos. É un campo de texto opcional en que pode escribirse o texto que se
quixer. É un texto libre pola flexibilidade que xa se comentou que necesitan estes
expedientes.
8.8.1. Páxina de detalle
A páxina de detalle que se utiliza con este tipo de contido é /system/modules/
es.udc.portal/pages/udc_pg_detalle_contratacion.jsp. Ao ser única, configurouse o xestor
para que se cubra a propiedade Template-Elements (elementos do modelo) de forma
automática ao crearmos o contido.
8.8.2. Modelo
Ao igual que para a propiedade Template-Elements (elementos do modelo), tamén se cobre
de forma automática a propiedade Template (modelo) co valor «/system/modules/
es.udc.portal/templates/udc_tmpl_dentro.jsp».
8.9. Ligazón
En ocasións quérese que unha opción de menú non amose ningunha información, senón que
vaia a outro sitio do web ou directamente a unha páxina externa. Para eses casos utilízase un
contido de tipo ligazón.
Ilustración 51. Pantalla de edición dun contido do tipo ligazón
Os campos que compoñen este tipo de contido son os seguintes:
Manual para editores de la UDC
Universidade da Coruña, 2011 Páxina 86 de 96
Descrición: descrición da páxina que se enlaza.
Tipo: se é unha ligazón externa ou interna.
Ligazón: URL da páxina que se quere enlazar.
8.9.1. Páxina de detalle
A páxina de detalle que se utiliza con este tipo de contido é /system/modules/
es.udc.portal/pages/udc_pg_redireccion.jsp. Ao ser única, configurouse o xestor para que se
cubra a propiedade Template-Elements (elementos do modelo) de forma automática ao
crearmos o contido.
8.9.2. Modelo
Este contido fai unha redirección a outra páxina (diso encárgase a páxina de detalle). Por esa
razón é indiferente o modelo que se emprega con este contido.
8.10. Páxina de inicio (campañas)
O contido /index.html haberá que modificalo cada vez que se queira crear, borrar ou
cambiar unha campaña das que se ven na páxina principal. Cómpre termos en conta que
poderá haber un máximo de cinco campañas vixentes en cada momento.
Ilustración 52. Pantalla de edición das campañas da páxina principal
Manual para editores de la UDC
Universidade da Coruña, 2011 Páxina 87 de 96
Os datos que cómpre introducirmos para cada campaña son os seguintes:
Título. Texto opcional que indica o título da campaña, que se amosará sobre a foto
central da campaña na parte superior e en maiúsculas. Terá unha lonxitude máxima
de 45 carácteres.
Imaxe central. É un campo obrigatorio en que se indica o resto de datos relativos á
campaña.
o Imaxe. URL onde está almacenada a imaxe que aparecerá como fondo da campaña.
o Texto alternativo. Texto necesario por motivos de accesibilidade. Aparecerá cando
a imaxe non se puider amosar por algunha razón.
o Descrición. Descrición da imaxe da campaña.
o Ligazón. Son as ligazóns cuxos textos aparecen sobre a imaxe da campaña.
Poden indicarse até dez ligazóns para unha campaña.
Descrición: é o texto que se amosará como ligazón enriba da campaña.
Tipo: este campo é diferente aos tipos de ligazóns do resto dos contidos do
web. Seleccionarmos unha ligazón interna serve para indicar que se navega a
unha páxina que é un contido especial que está na carpeta
/contidos_especiais/. Indicar unha ligazón externa significa que o contido que
se abre non é un contido especial (tanto unha páxina de calquera outra parte do
web como unha páxina externa). Isto é a forma de lles indicarmos aos contidos
especiais como teñen que construír o menú da parte esquerda.
Ligazón: URL a que se navegará ao premermos a ligazón da imaxe.
Data de publicación. Data a partir de que a campaña será visible na páxina principal.
É un campo obrigatorio cuxo valor por defecto é a data de creación da campaña.
Data de expiración. Data a partir de que a campaña deixa de ser visible na páxina
principal. É un campo opcional e se non se cobre a campaña non caducará nunca.
8.11. Formularios
É un tipo de contido que permite crearmos formularios no web de forma moi sinxela.
Os resultados dos envíos de datos a través deles por parte dos usuarios do web poderán
consultarse a través da vista Administración.
Un formulario pode ser creado en calquera parte do web sen ningún tipo de restrición.
Manual para editores de la UDC
Universidade da Coruña, 2011 Páxina 88 de 96
Ilustración 53. Lapela de datos dun formulario
Os datos que cómpre cubrirmos nun formulario distribúense en dúas lapelas.
Datos de envío. Cóbrense datos xenéricos do formulario
o Título do formulario. Título que terá o formulario no web.
o Nome do formulario. Nome interno que recibe o formulario. Só pode conter letras,
números e os símbolos «.», «_», «+» e «-».
o Cabeceira do formulario. Texto opcional que se amosa por enriba dos campos do
formulario.
o Pé do formulario. Texto opcional que se presenta por debaixo dos campos do
formulario.
o Mensaxe de confirmación. Texto opcional de confirmación que se lle envía ao
usuario cando este cubriu e enviou o formulario.
Campos do formulario. Refírese aos campos que comporán o formulario para seren
cubertos polo usuario. Un formulario poderá conter tantos campos como for
necesario. Para cada campo haberá que sinalar:
o Tipo de campo. Indica o tipo de campo que vai ser. As posibles opcións son estas:
Text input: campo de texto.
TextArea: campo para introducirmos un texto longo con barra de
desprazamento vertical.
CheckBox: campos con varias opcións onde cada unha delas pode marcarse ou
deixarse desmarcada. Cando se selección este tipo, no campo Valor por defecto
indícanse as distintas opcións separadas por «|».
Radio Buttons: son varios campos de selección de datos excluíntes cun círculo
previo que permite seleccionármolos. Cando se escolle este tipo, no campo
Valor por defecto indícanse as distintas opcións separadas por «|». Se a primeira
opción é   a listaxe non amosará ningún valor previamente seleccionado.
Select box (listaxe despregable): é unha listaxe despregable con varias opcións
para seleccionar unha única. Cando se selecciona este tipo, no campo Valor por
defecto indícanse as distintas opcións separadas por «|». Se a primeira opción é
  a listaxe non amosará ningún valor previamente seleccionado.
Manual para editores de la UDC
Universidade da Coruña, 2011 Páxina 89 de 96
Hidden field (campo oculto): sería un campo invisible para o usuario que se
quixese introducir no formulario por algunha razón de control interno
Email field (campo de correo-e): é un campo de texto (igual que o Text input),
mais que valida que o texto introducido teña a aparencia dun enderezo de
correo electrónico.
Selección de centros: campo de selección de centros.
Selección de departamentos: campo de selección de departamentos.
Esta listaxe despregable pode configurarse para amosar os departamentos,
os institutos ou todos. Para isto utilízase o campo Valor por defecto cos textos:
tipo:Todos, tipo:Departamento ou tipo:Instituto. Se non se indica nada para o
valor por defecto, aparecen todos.
o Etiqueta do campo. Texto explicativo e obrigatorio que aparecerá antes do campo
que o usuario debe cubrir e que lle indicará a información que debe introducir nel.
o Obrigatorio. De se marcar esta opción, o usuario deberá cubrir este campo para
poder enviar o formulario.
o Valor por defecto. É o valor por defecto que se amosará no campo ao cargarmos o
formulario. É un campo opcional.
o Regra de validación. Pode haber determinados datos que requiran unha validación
antes do envío para evitarmos que o usuario introduza datos que a priori xa se sabe
que son incorrectos. Por exemplo, calquera enderezo de correo electrónico ten
que conter unha «@», os números de teléfono teñen cando menos nove díxitos etc.
Hai expresións regulares que se encargan de validar este tipo de datos e que se
indicarían neste campo. É un campo opcional.
o Mensaxe de erro. É un texto opcional e será a mensaxe que se lle amosará ao
usuario cando o dato introducido non pase a validación indicada no campo
anterior. É opcional e só ten sentido cando se indica unha regra de validación.
8.11.1. Páxina de detalle
A páxina de detalle que se utiliza con este tipo de contido é /system/modules/
org.opencms.forms/pages/plantillaFormularioTag.jsp. Ao ser única, configurouse o xestor
para que se cubra a propiedade Template-Elements (elementos do modelo) de forma
automática ao crear o contido.
Manual para editores de la UDC
Universidade da Coruña, 2011 Páxina 90 de 96
8.11.2. Modelo
Neste caso non hai ningún valor configurado por defecto para a propiedade Template
(modelo). Utilizará automaticamente a que lle veña herdada da carpeta pai.
8.11.3. Número de referencia único
Cada vez que un usuario cobre un formulario no web, xérase un número de referencia único
que o identifica inequivocamente.
8.11.4. Administración de formularios
Os resultados dos formularios xestiónanse desde a vista Administración na opción
Formularios.
Ilustración 54. Menú Formularios na vista Administración
Esta opción presenta unha listaxe con todos os formularios que hai no web.
Unha vez que se accede a un deles veranse todos os datos que os usuarios introduciron a
través dese formulario.
Manual para editores de la UDC
Universidade da Coruña, 2011 Páxina 91 de 96
Ilustración 55. Pantalla de resultados ficticios para un formulario
Estes resultados poden:
borrarse se se seleccionan e se preme a opción Borrar;
ou descargarse como un arquivo XML cuxo nome por defecto será o do formulario coa
data e a hora da descarga.
8.12. Galerías de imaxes
Para crearmos unha galería de fotos no web da UDC hai que crear un contido para cada foto
(foto-información, foto con contido e información sobre a imaxe) e un álbum que as amose
todas (álbum de fotos, ou galería de imaxes do tipo foto-informacion).
8.12.1. Foto-información, foto con contido e información sobre a imaxe
Hai que crear un contido deste tipo para cada foto que comporá o álbum.
Ilustración 56. Pantalla de edición dunha imaxe da galería
Os campos que cómpre cubrirmos son os seguintes:
Manual para editores de la UDC
Universidade da Coruña, 2011 Páxina 92 de 96
Imaxe. Datos relativos á imaxe.
o Imaxe. URL onde se almacena a imaxe.
o Texto alternativo. Texto necesario por motivos de accesibilidade. Aparecerá
cando a imaxe non se puider amosar por algunha razón.
o Descrición. É o texto que se amosará no tooltip (indicador de función) que
aparece ao colocarmos o rato enriba da imaxe. É tamén o texto que aparece
como título debaixo da miniatura ou enriba da foto na súa páxina de detalle.
o Ligazón. Datos relativos á ligazón da imaxe na súa páxina de detalle. Trátase
da URL que contén a foto orixinal.
Tipo: para indicar se se trata dunha ligazón interna (que se abre na
mesma xanela do navegador) ou dunha ligazón externa (que se abre
nunha xanela distinta do navegador).
Ligazón. É a URL que contén a foto orixinal.
Información asociada. Información adicional que se quere indicar sobre a foto.
Prioridade. O número indicado neste campo servirá para ordenarmos as imaxes que
se amosan no álbum.
Data de inicio da publicación. Data a partir de que se verá a imaxe no álbum.
Por defecto cóbrese coa data de creación do contido.
Data de fin da publicación. Data a partir de que a imaxe deixará de ser visible no
álbum. Non é obrigatoria.
8.12.1.1. Páxina de detalle
Non é necesario indicarmos ningún valor na propiedade Template-Elements (elementos do
modelo).
8.12.1.2. Modelo
Non é necesario indicarmos ningún valor na propiedade Template (modelo).
8.12.2. Álbum de fotos ou galería de imaxes do tipo foto-informacion
É o tipo de contido que se utiliza para crearmos un álbum que amose as fotos creadas co
anterior tipo de contido.
Manual para editores de la UDC
Universidade da Coruña, 2011 Páxina 93 de 96
Ilustración 57. Pantalla de edición dunha galería de imaxes
Os campos que cómpre cubrirmos son estes:
Título. Título do álbum que se amosará no web.
Directorio de contidos. URL que contén os contidos coas fotos.
Aliñar a paxinación. No caso de a visualización das fotos se facer en varias páxinas,
este campo indicará o aliñamento do texto que amosa a paxinación.
Posición da paxinación. Indica a posición que terá a paxinación na páxina do álbum.
Poderá presentarse enriba ou debaixo dos textos superior ou inferior ou enriba e
debaixo de ambos os textos ao mesmo tempo.
Amosar o nome do recurso como título. Xunto co subcampo Amosar o título do
campo Resumo serve para indicarmos se se amosa ou non a descrición da foto debaixo
da miniatura correspondente.
Resumo. Contén unha serie de campos para marcarmos algúns parámetros relativos á
vista Miniaturas do álbum.
o Amosar o título. Xunto co campo Amosar o nome do recurso como título,
indica se vai presentarse ou non a descrición da foto debaixo da miniatura
correspondente.
o Amosar a información. Indica se debaixo da miniatura e o seu nome aparece
ou non a información asociada a cada imaxe.
Manual para editores de la UDC
Universidade da Coruña, 2011 Páxina 94 de 96
o Aliñamento do título e a descrición. Para indicarmos a posición do texto que
contén o nome da imaxe e a información asociada a esta. En ambos os casos,
sempre que se decidir visualizalos.
o Número de columnas. Neste campo indícase o número de columnas con fotos
que aparecerán en cada páxina. No caso de a configuración de filas e
columnas marcada non ser suficiente para amosar todas as fotos, empregarase
paxinación.
o Filas por páxina. Neste campo indícase o número de filas en que se distribuirán
as fotos que aparecerán en cada páxina. No caso de a configuración de filas e
columnas marcada non ser suficiente para amosar todas as fotos, usarase
paxinación.
o Miniaturas de alta calidade. Con este campo indícase se se permite que as
miniaturas sexan xeradas usando opcións de alta calidade. Non é aconsellable
utilizar esta opción porque a carga do álbum sería máis lenta.
o Tamaño. Neste campo indícase o tamaño que terán todas as miniaturas do
álbum.
o Filtro de efecto. Permite sinalarmos o filtro que se usará para ver as
miniaturas do álbum como escala de grises, sombras etc.
o Cor de fondo. Trátase dun pequeno bordo de cor que aparecerá por enriba e
por debaixo de cada foto.
o Texto superior. É un texto que se amosará xusto enriba das miniaturas das
fotos. No caso de as fotos se distribuíren en varias páxinas, este texto
aparecerá en todas elas.
o Texto inferior. É un texto que aparecerá xusto debaixo das miniaturas das
fotos. No caso de as fotos se distribuíren en varias páxinas, este texto
aparecerá en todas elas.
Cómpre termos coidado á hora de configurarmos os campos Número de columnas e
Tamaño. O ancho da páxina da UDC non medra co contido. Por esa razón é necesario
chegarmos a un equilibrio entre o número de columnas e o tamaño das miniaturas,
para evitarmos unha visualización incorrecta do álbum en que as fotos saian do espazo
reservado para o contido.
Detalle. Contén unha serie de campos para indicarmos os parámetros relativos á vista
Detalle de cada imaxe que compón o álbum.
o Amosar o título. Indica se se amosa ou non o nome da foto debaixo da imaxe.
Manual para editores de la UDC
Universidade da Coruña, 2011 Páxina 95 de 96
o Amosar a información. Sinala se se amosa ou non a información asociada a
cada imaxe debaixo do nome desta.
o Aliñamento do título. Indica a posición en que se presentará o título
(esquerda, centro, dereita).
o Amosar unha ligazón á imaxe orixinal. Indica se a imaxe terá unha ligazón á
foto orixinal na páxina de detalle.
o Tamaño. Para sinalarmos o tamaño que terán as imaxes na súa páxina de
detalle.
o Filtro de efecto. Permite marcarmos o filtro que se empregará para ver as
imaxes na súa vista Detalle (escala de grises, sombras etc.).
8.12.2.1. Páxina de detalle
A páxina de detalle que se utiliza con este tipo de contido é /system/modules/
org.opencms.photoinformationalbum/pages/pg_photoinformationalbum.jsp. Ao ser única,
configurouse o xestor para que se cubra a propiedade Template-Elements (elementos do
modelo) de forma automática ao crearmos o contido.
8.12.2.2. Modelo
Neste caso non hai ningún valor configurado por defecto para a propiedade Template
(modelo). Usará automaticamente a que lle veña herdada da carpeta pai.