Date post: | 01-Jul-2015 |
Category: |
Education |
Upload: | enrique-cardona |
View: | 185 times |
Download: | 10 times |
Os servizos. O desenvolvemento do turismo
1. As actividades terciarias
2. O sector terciario no mundo de hoxe
3. Un exemplo de servizo social básico: a sanidade
4. O turismo
5. Os efectos do turismo
06
Introdución
• O sector terciario ou sector servizos inclúe a educación, a cultura, a sanidade, o comercio, o transporte, a banca, etc. Serve para mellorar a calidade de vida das persoas.
• O sector terciario foi o último sector en desenvolverse, pero ao mesmo tempo, é o que na actualidade adquiriu maior importancia, sobre todo nos países ricos.
06
1. As actividades terciarias
1.1. Que é o sector terciario
1.2. A diversidade do sector servizos
1.3. Os servizos e os cambios sociais recentes
06
1.1. Que é o sector terciario
• O sector terciario é o sector económico que inclúe as actividades que non producen bens materiais. Préstanlle servizos á poboación.
• Nos países industrializados o sector terciario foi medrando en importancia, tanto polo número de traballadores que ocupa como pola riqueza que xera.
• Na actualidade, é o sector económico predominante.
06
1.2. A diversidade do sector servizos
• O sector terciario caracterízase pola gran diversidade de actividades que abrangue: sanidade, educación, turismo, comercio, transportes, etc.
• A máxima expansión do sector terciario acadouse coa sociedade da información, que produciu o desenvolvemento técnico e científico, a mundialización da economía, etc. Fálase de revolución do terciario.
• O conxunto das actividades relacionadas coa técnica e a ciencia forma parte do sector terciario superior ou cuaternario.
• Hai un sector terciario banal dedicado a traballos que esixen pouca preparación e están mal remunerados: servizos de limpeza, venda ambulante, etc.
06
1.3. Os servizos e os cambios sociais recentes
• Os servizos tamén se multiplican para lles dar resposta aos cambios sociais recentes.
• O aumento da esperanza de vida fai necesarios unha serie de servizos relacionados co coidado das persoas maiores ou dependentes.
• A incorporación da muller ao mundo laboral fai urxente a creación de escolas infantís e de servizos que faciliten o traballo doméstico.
• A redución da xornada laboral e as vacacións pagas explican a oferta de actividades de lecer e a importancia do sector turístico.
06
2. O sector terciario no mundo de hoxe 2.1. Características
• Na actualidade as actividades do sector terciario caracterízanse por:
• Seren moi heteroxéneas, non soamente pola variedade de servizos que existen ou pola cualificación do persoal, senón tamén polo tamaño das empresas que os ofrecen.
• Seren actividades intanxibles e inmateriais.
• Seren actividades imposibles de almacenar.
• Estaren situadas preto do consumidor.
• Teren un nivel de mecanización relativamente baixo.
• Seren actividades en expansión en todos os países do mundo.
• Estaren desigualmente repartidas.
06
2. O sector terciario no mundo de hoxe 2.2. Clasificación
• Existen diversas formas de clasificar as actividades terciarias. Unha delas organízaas en catro grupos:
• Os servizos sociais agrupan as actividades vinculadas á administración, á educación, á sanidade, etc.
• Os servizos de distribución agrupan as actividades relacionadas coa circulación de persoas, bens e información.
• Servizos ás empresas.
• Os servizos ao consumidor están relacionados co comercio polo miúdo, a hostalaría, lecer, reparacións e instalacións, etc.
06
3. A sanidade 3.1. A mellora da esperanza de vida
• Ao longo do século XX a poboación mundial aumentou de xeito considerable porque en moitos países baixou a mortalidade infantil e aumentou a esperanza de vida. Estes progresos debéronse a diversas razóns:
• Unha mellor alimentación grazas aos progresos na agricultura.
• As melloras na hixiene.
• O descubrimento de remedios eficaces, como vacinas e antibióticos, para combater epidemias e doenzas.
06
3. A sanidade 3.2. A sanidade como servizo
• A sanidade é un servizo social básico. Todas as persoas teñen dereito a recibir asistencia médica. Pero este dereito, polo xeral, unicamente o poden exercer os habitantes dos países desenvolvidos.
• En moitos países o dereito á saúde garánteo o Estado. Unha parte dos impostos destínase a organizar o servizo de sanidade.
06
3. A sanidade 3.3. Saúde e riqueza
• O nivel económico dun país determina, en gran medida, o número e a calidade dos seus servizos sanitarios.
• Os países pobres carecen con frecuencia dos servizos sanitarios básicos e sofren os estragos de enfermidades transmisibles e infecciosas.
• Os países ricos dispoñen, cada día máis, de avanzados medios científicos e tecnolóxicos para combater certas doenzas. Nestes países, así e todo, aumentan as enfermidades do estilo de vida derivadas de formas de vida pouco saudables.
06
4. O turismo 4.1. Causas do desenvolvemento do turismo
• Unha das actividades do sector terciario que coñeceu un maior crecemento nos países ricos é o turismo. O crecemento débese a estes factores:
• A xeneralización da semana laboral de cinco días, que dá lugar a unha longa fin de semana, e dun período de vacacións pagas ao ano, polo que aumenta o tempo de lecer.
• A sociedade do benestar, ao cubrir as necesidades básicas e asegurarlles aos traballadores pensións de invalidez e de vellez, liberou os traballadores do aforro de previsión. Estes, como consecuencia, poden entrar na sociedade de consumo.
• A xeneralización do uso do automóbil e a mellora da rede viaria.
06
4. O turismo 4.2. Os desprazamentos turísticos
• Os centros emisores de turismo adoitan ser as grandes cidades ou áreas urbanas desde onde as fins de semana e, sobre todo, durante o verán, saen moitas persoas.
• Os fluxos turísticos diríxense cara a núcleos receptores que, segundo a distancia, son de diversos tipos:
• Núcleos turísticos próximos, situados nun raio de ata 200 quilómetros de distancia dos centros emisores.
• Núcleos turísticos intermedios, situados nun raio de ata 2000 quilómetros dos centros emisores.
• Núcleos turísticos afastados, situados a partir de 2000 quilómetros dos centros emisores.
06
4. O turismo 4.3. A importancia económica do turismo
• O turismo xera a creación e expansión de empresas e servizos: compañías aéreas, axencias de viaxes, cadeas hoteleiras, empresas de animación, etc.
• Estas empresas, asemade, proporcionan numerosos e diversificados postos de traballo: camareiros, guías turísticos, comerciantes, etc.
• Os turistas adoitan gastar os seus cartos nos lugares de destino: desprazamentos, aloxamento, actividades de lecer e diversión…, deixando beneficios no país.
• Nos países pobres, o sector turístico adoita estar en mans de grandes empresas tour operadoras e de transportes internacionais, con sedes nos países desenvolvidos.
06
4. O turismo 4.4. Os efectos do turismo
• Factores positivos do turismo. O turismo representa para un país ingresos elevados, crea moitos postos de traballo, dinamiza outros sectores económicos, permite o contacto con outras culturas e facilita a aprendizaxe de novas linguas.
• Factores negativos do turismo. O turismo tamén contribúe ao aumento dos prezos, incrementa a especulación do solo, enriquece a grandes empresas e moitos dos traballadores que crea son de pouca cualificación e están mal remunerados.
• O turismo tamén provoca grandes impactos ambientais: alteración da costa ao construír portos, contaminación da auga…
06